الداعى كەزەكتەن تىس پرەزيدەنت سايلاۋىن ٶتكٸزۋگە 20,5 ميلليارد تەڭگە قاجەت. بۇل تۋرالى ورتالىق سايلاۋ كوميسسيياسىنىڭ مٷشەسٸ سابيلا مۇستافينا مەلٸمدەدٸ, دەپ حابارلايدى Sputnik قازاقستان.
"بٸز قارجى مينيسترلٸگٸنە سايلاۋ ناۋقانىنا جۇمسالاتىن شىعىنداردىڭ سمەتاسىن ۇسىندىق. ونىڭ مٶلشەرٸ – 20,5 ميلليارد تەڭگە. قازٸر بۇل مەسەلە تالقىلانىپ جاتىر. سمەتانىڭ كٶپتٸگٸ, ەڭ الدىمەن, ەڭبەكاقى تٶلەۋ قورىمەن بايلانىستى", - دەدٸ مۇستافينا بريفينگتە.
ايتۋىنشا, ٷكٸمەتتەن سۇرالىپ وتىرعان اقشا, سونداي-اق جارامسىز ۋرنالاردى اۋىستىرۋعا, بيۋلەتتەن ەزٸرلەۋگە جۇمسالادى.
مەسەلەن, 2019 جىلى بٸر بيۋللەتەندٸ ەزٸرلەۋگە 11 تەڭگە جۇمسالسا, قازٸرگٸ ەسەپتەۋلەر بويىنشا ونىڭ قۇنى 22 تەڭگەگە دەيٸن ارتقان.
سونداي-اق بيىل وسك تيٸستٸ ساناتتاعى ازاماتتار ٷشٸن برايل شريفتٸ بار ترافارەتتەر ەزٸرلەۋدٸ جوسپارلاپ وتىر. ول ەربٸر سايلاۋ ۋچاسكەسٸندە بولادى.
بۇدان بٶلەك, قازاقستاننىڭ سىرتقى ٸستەر مينيسترلٸگٸ دە 105 ميلليون تەڭگەگە ٶتٸنٸم بەرگەن. بۇل اقشاعا مينيسترلٸك قىزمەتكەرلەرٸ شەت ەلدەردەگٸ قازٸرگٸ ەسەپتەۋلەر بويىنشا 69 سايلاۋ ۋچاسكەسٸنە بيۋللەتەندەردٸ جەتكٸزەدٸ.
"بۇل كەزەكتەن تىس سايلاۋ بولعاندىقتان, ٷكٸمەت سايلاۋعا رەزەرۆتەن اقشا بٶلۋ تۋرالى شەشٸم قابىلدايدى. بٸز, ەڭ الدىمەن, سمەتانى قارجى مينيسترلٸگٸندە قورعايمىز, كەيٸن پروتسەدۋرالىق تەرتٸپپەن باسقا مٷددەلٸ مينيسترلٸكتەرمەن كەلٸسەمٸز", - دەپ تٷسٸندٸردٸ مۇستافينا.
بيىل كەزەكتەن تىس پرەزيدەنت سايلاۋى 20 قاراشادا ٶتەدٸ. پرەزيدەنتٸككە كانديداتتار ۇسىنۋ ەرتەڭ, 23 قىركٷيەكتە باستالادى.
