Ortalyq sailaý komissiiasynyń hatshysy Sábila Mustafina QR Parlamenti Senatynyń depýtattyǵyna kandidattardyń sailaý qory týraly aqparatty túsindirdi, dep habarlaidy QazAqparat.
OSK otyrysynda sóz sóilegen Sábila Mustafinanyń aitýynsha Parlament Senatynyń depýtattyǵyna kandidattyń sailaý qory:
- jalpy somasy zańnamamen belgilengen eń tómengi jalaqynyń eki júz ese mólsherinen aspaýy tiis kandidattyń menshikti qarajaty. Bul - 8 500 000 (segiz million bes júz myń) teńge;
- jalpy somasy zańnamada belgilengen eń tómengi jalaqy mólsherinen bes júz eseden artyq aspaýǵa tiis Qazaqstan Respýblikasynyń azamattary men uiymdarynyń erikti qaiyrmaldyqtary. Bul 21 250 000 (jiyrma bir million eki júz elý myń) teńgeni quraidy.
«Belgilengen mólsherden tys túsken aqshalai qarajat sailaý qoryna eseptelýge jatpaidy. Olardy engizgen azamattar men uiymdarǵa qaitarylady. Bul rette atalǵan qarajatty qaitarýǵa bailanysty shyǵystar olardy engizgen azamattar men uiymdardyń esebinen jabylady», - dedi ol.
Aita keteiik, osy jyldyń 12 maýsymynda Memleket basshysy Qasym-Jomart Toqaevtyń Senat depýtattarynyń sailaýyn 2020 jylǵy 12 tamyzǵa taǵaiyndaý týraly qaýlysy shyqqan edi.
Osyǵan orai QR Ortalyq sailaý komissiiasynyń onlain rejimde otyrysy ótip, onda sailaýǵa qatysty kúntizbelik is-sharlar jospary bekitilgen. 13 maýsymnan bastap Senat depýtattyǵyna kandidattardy usyný bastaldy.
