Qazaqstan Respýblikasy Ortalyq sailaý komissiiasy QR Prezidentiniń kezekten tys sailaýyna Sádi-Bek Túgeldi kandidat retinde tirkedi.
Qazaqstan Respýblikasy Ortalyq sailaý komissiiasynyń múshesi Baqyt Sársenbaiuly Meldeshov qaýly jobasy týraly baiandama jasady.
2019 jylǵy 22 sáýirde «Uly Dala Qyrandary» respýblikalyq qoǵamdyq mádeni-áleýmettik birlestigi Ortalyq sailaý komissiiasyna Qazaqstan Respýblikasynyń Prezidenttigine kandidat retinde Sádi-Bek Túgeldiń qujattaryn usyndy:
- «Uly Dala Qyrandary» respýblikalyq qoǵamdyq mádeni-áleýmettik birlestigi Ádilet ministrliginde tirkeý týraly qujatynyń kóshirmeleri, qoǵamdyq birlestigi joǵarǵy organy otyrysynyń Sádi-Bek Túgeldi Qazaqstan Respýblikasynyń Prezidenttigine kandidat retinde usyný týraly hattamasynan úzindi kóshirme qosa berilip otyr;
- Sádi-Bek Túgeldiń Prezidenttikke kandidat bolyp daýysqa túsýge kelisim berý jónindegi ótinishi;
- ómirbaiandyq derekter;
- sailaý jarnasynyń engizilgenin rastaityn qujat.
Osy qujattardyń negizinde, sondai-aq kandidat memlekettik tildi erkin meńgergendigin anyqtaý úshin Ortalyq sailaý komissiiasynyń 2019 jylǵy 26 sáýirdegi №18/249 qaýlysymen Prezidenttikke kandidat Sádi-Bek Túgeldiń Konstitýtsiia men "Qazaqstan Respýblikasyndaǵy sailaý týraly" Konstitýtsiialyq zańnyń talaptaryna sáikestigi anyqtaldy jáne azamattardyń qoldaryn jinaý úshin qol qoiý paraqtary berildi.
Ortalyq sailaý komissiiasyna kandidatty tirkeý úshin mynadai qujattar:
-Prezidenttikke kandidat Sádi-Bek Túgeldiń kiristeri men múlki týraly deklaratsiia tapsyrǵany týraly Memlekettik kirister organynyń anyqtamasy;
-Prezidenttikke kandidat Sádi-Bek Túgeldiń ony tirkeýge kedergi keltiretin aýrýlardyń joqtyǵy týraly meditsinalyq qorytyndy;
-oblystardyń, respýblikalyq mańyzy bar qalalardyń jáne Qazaqstan Respýblikasy astanasynyń aýmaqtyq sailaý komissiialarynyń Prezidenttikke kandidat Sádi-Bek Túgeldiń qoldaýyna azamattardyń jinalǵan qoldaryn tekserý nátijeleri týraly hattamalary – usynyldy.
Osy hattamalarǵa sáikes Prezidenttikke úmitker Sádi-Bek Túgeldiń qoldaýyna Qazaqstannyń barlyq 15 óńirinen 122 102 azamattyń qoly jinaldy, olardyń 120 175-i durys dep tanyldy.
Bul rette Ortalyq sailaý komissiiasynyń 2019 jylǵy 15 sáýirdegi № 13/237 qaýlysymen belgilengen Qazaqstan Respýblikasy Prezidenttigine kandidatty qoldaý úshin durys qoldardyń qajetti sany keminde 118 140 qoldy quraidy.
Sádi-Bek Túgeldi Prezidentikke kandidat retinde tirkeýge qajetti barlyq qujattar Ortalyq sailaý komissiiasyna usynyldy jáne olarǵa qoiylatyn talaptarǵa tolyq sáikes keledi.
Joǵaryda baiandalǵannyń negizinde «2019 jylǵy 9 maýsymǵa taǵaiyndalǵan Qazaqstan Respýblikasy Prezidentiniń kezekten tys sailaýynda Sádi-Bek Túgeldi Qazaqstan Respýblikasy Prezidenttigine kandidat retinde tirkeý týraly» qaýly qabyldandy.
Qaýlymen:
- 2019 jylǵy 9 maýsymǵa taǵaiyndalǵan Qazaqstan Respýblikasy Prezidentiniń kezekten tys sailaýynda Sádi-Bek Túgeldi Qazaqstan Respýblikasy Prezidenttigine kandidat retinde tirkelsin;
- Prezidenttikke kandidat Sádi-Bek Túgelge tiisti kýálik berilsin;
-Prezidenttikke kandidat Sádi-Bek Túgeldiń "Halyqtyq Jinaq Banki" aktsionerlik qoǵamyna arnaiy ýaqytsha shot ashý úshin tirkelýi týraly málimetter berilsin;
-buqaralyq aqparat quraldarynda Qazaqstan Respýblikasy Prezidenttigine kandidat Sádi-Bek Túgeldiń tirkelgeni týraly habarlama jariialansyn – delingen OSK habarlamasynda.
