Quryltai depýtattarynyń sailaýyn ótkizý kezeńinde halyqaralyq baiqaýshylardyń qyzmetine qajetti quqyqtyq jáne uiymdastyrýshylyq jaǵdailar jasaý maqsatynda Ortalyq sailaý komissiiasy «2026 jylǵy 23 tamyzǵa taǵaiyndalǵan Qazaqstan Respýblikasy Quryltaiynyń depýtattaryn sailaýdy ótkizý kezeńindegi shet memleketterdiń, halyqaralyq uiymdardyń baiqaýshylary, sheteldik buqaralyq aqparat quraldarynyń ókilderi qyzmetiniń keibir máseleleri týraly» qaýly qabyldady.
Qujatta shet memleketter men halyqaralyq uiymdarǵa shaqyrýlar jiberý, halyqaralyq baiqaýshylardy akkreditteý jáne olarǵa belgilengen úlgidegi kýálikterdi berý tártibi aiqyndalǵan.
Sondai-aq qaýlyda Qazaqstan Respýblikasy Syrtqy ister ministrliginiń akkreditteýinen ótken jaǵdaida sheteldik buqaralyq aqparat quraldary ókilderiniń baiqaýdy júzege asyrý múmkindigi kózdelgen.
«Osy qaýlynyń qabyldanýy Qazaqstan Respýblikasynyń Quryltaiy depýtattarynyń sailaýyna halyqaralyq baiqaýshylardyń qatysýy úshin qajetti quqyqtyq jaǵdailardy qamtamasyz etedi jáne olardyń qyzmetin zańnamaǵa sáikes júzege asyrý tártibin aiqyndaidy», - dep atap ótti Qazaqstan Respýblikasy Ortalyq sailaý komissiiasy tóraǵasynyń orynbasary Muhtar Erman.
Qaýlynyń qabyldanýy Qazaqstan Respýblikasynyń Quryltaiy depýtattarynyń sailaýynda halyqaralyq baiqaý institýtynyń jumysyn bastaýǵa múmkindik beredi.
