QR Ortalyq sailaý komissiiasynyń otyrysy koronavirýs indetinen qaza tapqandardy bir minýt eske alýmen bastaldy, dep habarlaidy QazAqparat.
«Búgin pandemiia qurbandary bolǵan otandastarymyzdy Ulttyq aza tutý kúni ekendigin atap ótken jón. Barshańyz bul jaiynda bilesizder. Bizde, sailaý júiesi qyzmetkerleriniń arasynda da aýyr qaza bar. Almaty oblysy Tekeli qalasynyń aýmaqtyq sailaý komissiiasy tóraǵasynyń orynbasary Báken Jamanqulov qaitys boldy. Báken Túzelbekulynyń týǵan-týystaryna qaiǵysyna ortaqtasyp kóńil aitamyz. Osyǵan orai bir minýt únsizdikpen barlyq qaza bolǵandardy eske alýdy usynamyn», - dedi otyrysty ashqan QR OSK tóraǵasy Berik Imashev.
Qazirgi ýaqytta OSK otyrysynda Qazaqstan Respýblikasy Parlamenti Senatynyń depýtattyǵyna kandidattar usyný kezeńiniń qorytyndysy qaralyp jatyr. Oblystardyń, Almaty, Shymkent jáne Nur-Sultan qalalarynyń aýmaqtyq sailaý komissiialary tóraǵalarynyń kandidattardy usyný qorytyndylary týraly aqparattary tyńdalý ústinde.
