"Aýyl" sózin Qazaqstan zańnamasynda óz betinshe bekitý usynyldy, - dep habarlaidy Tengrinews.kz.
Senat depýtaty Sergei Ershov "selo" jáne "aýyl" sóziniń shyǵý tegi men etimologiiasy týraly pikir bildirdi. Ol bul sózderdiń etimologiiasy men shyǵý tegi ártúrli ekenin aitty.
"Eger "selo" slavian tilinen shyqqan jáne qonys, turǵyn úi nemese aýyl uǵymymen bailanysty bolsa, onda "aýyl" uǵymy alǵashqy kóshpeli túrki tektes, keiinirek kóshpeli halyqtar arasynda qalyptasqan jáne kóshpeli qonystanýdy bildiredi. "Aýyl" sózi bizdiń sanamyzda rýhaniiat pen halyqtyń damýynyń besigi retinde qalyptasqan. Osy ataýmen "Aýyl - el besigi" atty joba sátti júzege asyrylyp jatyr", - dedi Sergei Ershov palata otyrysynda.
Depýtat ulttyq ekonomika vitse-ministri Ermek Alpysovtan "aýyl" sózin onyń tarihy men shyǵý mádenietin eskere otyryp ony qoldaný tiline qaramastan zańnamada bekitý jaily saýal joldady.
Alpysov 2013 jylǵa deiin "aýyl" termini oryssha nusqada "selo", al qazaq tilinde "aýyl" dep qoldanylyp kele jatqanyn aitty.
"Menińshe, ol qosymsha zertteýdi, onyń ishinde, onomastika salasyndaǵy mamandarmen jumys isteýdi qajet etedi. Bizde qazir aýdandardyń jáne aýyldyq basqarý deńgeilerin keńeitý týraly zań jobasy bar. Sol zań jobasynyń aiasynda sizdiń usynysyńyzdy qarastyramyz", - dedi vitse-ministr.
