Foto: Májilis
Búgin Májiliste depýtat Rinat Zaiytov Densaýlyq saqtaý ministriniń mindetin atqarýshy Erjan Nurlybaevqa dári-dármekke qatysty suraq qoiyp, jaýap ala almaǵan. Sodan ol suraǵyn orys tilinde qoiyp edi, Májilis spikeri Erlan Qoshanov orys tilinde sairaitynyn aityp kúldi. Bul týraly Ult.kz habarlaidy."Bizdiń prezidentimiz aitady, kim qandai tilde suraq qoisa, sol tilde jaýap alýǵa quqyly deidi. Jaraidy, oǵan toqtalmai-aq qoiaiyn. Men áriptesterdi suraǵymdy túsinbei qaldy-aý degen qaýipim bar. Sondyqtan qaitalap óteiin", - dep Rinat Zaiytov orys tilinde suraq qoidy.
Oǵan Májilis spikeri Erlan Qoshanov: "Orys tilde de sairaidy ekensiz ǵoi", - dep kúldi.
Aita keteiik, búging Májilistiń jalpy otyrysynda «Qazaqstan Respýblikasy Densaýlyq saqtaý ministrliginiń, onyń vedomstvolyq baǵynysty uiymdarynyń halyqty jáne densaýlyq saqtaý obektilerin dárilik zattarmen jáne meditsinalyq maqsattaǵy buiymdarmen qamtamasyz etý boiynsha qyzmetiniń tiimdiligine aýdit júrgizý» taqyrybyndaǵy Qazaqstan Respýblikasy Joǵary aýditorlyq palatasy Tóraǵasynyń esebi jóninde ótti.
