23 aqpan kúni Resei Federatsiiasyndaǵy «Soiýz» magistraldyq gaz qubyrynyń 108 shaqyrymynda jarylys boldy, dep habarlaidy "Ult aqparat".
QR Energetika ministrliginiń baspasóz qyzmeti málim etkenindei, osyǵan bailanysty Qazaqstan Respýblikasynyń aýmaǵy arqyly ótetin «Soiýz» jáne «Orynbor-Novopskov» magistraldyq gaz qubyrlary arqyly gaz berý toqtatyldy.
Tiisinshe Orynbor gaz óńdeý zaýytynan Resei gazynyń tranziti jáne Qarashyǵanaq gazyn jetkizý toqtatyldy.
«Batys Qazaqstan oblysynyń tutynýshylaryn gazben jabdyqtaý úshin «Orta Aziia – Ortalyq» magistraldyq gaz qubyrynan resýrstardy qaita baǵyttaý boiynsha jumystar júrgizilýde. Qazaqstan Respýblikasynyń gaz tasymaldaý júiesiniń barlyq obektileri shtattyq rejimde jumys istep jatyr. Atalǵan jaǵdai QR Energetika ministrliginiń baqylaýynda», dep habarlady QR Energetika ministrliginiń baspasóz qyzmeti.
