23 اقپان كٷنٸ رەسەي فەدەراتسيياسىنداعى «سويۋز» ماگيسترالدىق گاز قۇبىرىنىڭ 108 شاقىرىمىندا جارىلىس بولدى, دەپ حابارلايدى "ۇلت اقپارات".
قر ەنەرگەتيكا مينيسترلٸگٸنٸڭ باسپاسٶز قىزمەتٸ مەلٸم ەتكەنٸندەي, وسىعان بايلانىستى قازاقستان رەسپۋبليكاسىنىڭ اۋماعى ارقىلى ٶتەتٸن «سويۋز» جەنە «ورىنبور-نوۆوپسكوۆ» ماگيسترالدىق گاز قۇبىرلارى ارقىلى گاز بەرۋ توقتاتىلدى.
تيٸسٸنشە ورىنبور گاز ٶڭدەۋ زاۋىتىنان رەسەي گازىنىڭ ترانزيتٸ جەنە قاراشىعاناق گازىن جەتكٸزۋ توقتاتىلدى.
«باتىس قازاقستان وبلىسىنىڭ تۇتىنۋشىلارىن گازبەن جابدىقتاۋ ٷشٸن «ورتا ازييا – ورتالىق» ماگيسترالدىق گاز قۇبىرىنان رەسۋرستاردى قايتا باعىتتاۋ بويىنشا جۇمىستار جٷرگٸزٸلۋدە. قازاقستان رەسپۋبليكاسىنىڭ گاز تاسىمالداۋ جٷيەسٸنٸڭ بارلىق وبەكتٸلەرٸ شتاتتىق رەجيمدە جۇمىس ٸستەپ جاتىر. اتالعان جاعداي قر ەنەرگەتيكا مينيسترلٸگٸنٸڭ باقىلاۋىندا», دەپ حابارلادى قر ەنەرگەتيكا مينيسترلٸگٸنٸڭ باسپاسٶز قىزمەتٸ.
