Orynbor gýbernatory I.I. Nepliýevtiń Abylai sultanǵa jazǵan haty:
1745 jyl, 16 sáýir.
Patsha aǵzamǵa Orta júz qazaqtarynyń shyn berilgen asa qurmetti Abylai sultanyna!
Sizdiń aǵalaryńyz Ábilmámbet han men Baraq sultanǵa tilmásh Orazlindi hatpen jibere otyryp, sizge de, qurmetti sultan, patsha aǵzamnyń meiirimi túskenin habarlaýdy ózim paryz sanap otyrmyn. Sizden kópten hat almai otyrmyn...
Ózderińizdiń jaǵdailaryńyz týraly habarlassańyz jaqsy bolar edi, tipti maǵan kelip qaitsańyz, — dep suraimyn. (Bul shaqyrtýǵa Abylai sultan barǵan joq). Osy jazdyń sońyn ala, kúzge deiin Orynborda bolmaqpyn, sizben júzbe-júz kezdessem, kóp nárseni aqyldasyp sheshýge bolar edi. Orynborda saýda jasaýǵa barlyq jaǵdailarymyz bar. Resei kópesteriniń taýarlary jyl ótken saiyn molaiyp keledi, olardyń birqatary Or bekinisine de bara alady. Bul jóninde ózińizdiń barsha halqyńyzǵa habarlap qoisańyz durys bolady.
Al endi, Sibir jaǵynda ártúrli jaǵdailarmen ustalyp qalǵan sizdiń adamdaryńyz ben jylqylaryńyzdy qaitarý týraly talabyńyzdy qabyl alyp, izdeý saldym. Siz jibergen kisilerge sol adamdaryńyz ben birneshe júz jylqyńyzdy berip qaitardym, qalǵanyn Sibir gýbernatory áli de izdestirip jatyr. Sizdiń kóship júrgen halqyńyz bizdiń jaqqa eshbir alańdamasyn.
Abyroiyńyz arta bersin, meniń sizge degen shyn nietimdi qabyl alyńyz.
QOLYMDY QOIYP, MÓRIMDI BASTYM, TAINYI SOVETNIK ÁRI KAVARLER NEPLIýEV. HATShY PETR RYChKOV.
