ورىنبور گۋبەرناتورى ي.ي. نەپليۋەۆتٸڭ ابىلاي سۇلتانعا جازعان حاتى:
1745 جىل, 16 سەۋٸر.
پاتشا اعزامعا ورتا جٷز قازاقتارىنىڭ شىن بەرٸلگەن اسا قۇرمەتتٸ ابىلاي سۇلتانىنا!
سٸزدٸڭ اعالارىڭىز ەبٸلمەمبەت حان مەن باراق سۇلتانعا تٸلمەش ورازليندٸ حاتپەن جٸبەرە وتىرىپ, سٸزگە دە, قۇرمەتتٸ سۇلتان, پاتشا اعزامنىڭ مەيٸرٸمٸ تٷسكەنٸن حابارلاۋدى ٶزٸم پارىز ساناپ وتىرمىن. سٸزدەن كٶپتەن حات الماي وتىرمىن...
ٶزدەرٸڭٸزدٸڭ جاعدايلارىڭىز تۋرالى حابارلاسساڭىز جاقسى بولار ەدٸ, تٸپتٸ ماعان كەلٸپ قايتساڭىز, — دەپ سۇرايمىن. (بۇل شاقىرتۋعا ابىلاي سۇلتان بارعان جوق). وسى جازدىڭ سوڭىن الا, كٷزگە دەيٸن ورىنبوردا بولماقپىن, سٸزبەن جٷزبە-جٷز كەزدەسسەم, كٶپ نەرسەنٸ اقىلداسىپ شەشۋگە بولار ەدٸ. ورىنبوردا ساۋدا جاساۋعا بارلىق جاعدايلارىمىز بار. رەسەي كٶپەستەرٸنٸڭ تاۋارلارى جىل ٶتكەن سايىن مولايىپ كەلەدٸ, ولاردىڭ بٸرقاتارى ور بەكٸنٸسٸنە دە بارا الادى. بۇل جٶنٸندە ٶزٸڭٸزدٸڭ بارشا حالقىڭىزعا حابارلاپ قويساڭىز دۇرىس بولادى.
ال ەندٸ, سٸبٸر جاعىندا ەرتٷرلٸ جاعدايلارمەن ۇستالىپ قالعان سٸزدٸڭ ادامدارىڭىز بەن جىلقىلارىڭىزدى قايتارۋ تۋرالى تالابىڭىزدى قابىل الىپ, ٸزدەۋ سالدىم. سٸز جٸبەرگەن كٸسٸلەرگە سول ادامدارىڭىز بەن بٸرنەشە جٷز جىلقىڭىزدى بەرٸپ قايتاردىم, قالعانىن سٸبٸر گۋبەرناتورى ەلٸ دە ٸزدەستٸرٸپ جاتىر. سٸزدٸڭ كٶشٸپ جٷرگەن حالقىڭىز بٸزدٸڭ جاققا ەشبٸر الاڭداماسىن.
ابىرويىڭىز ارتا بەرسٸن, مەنٸڭ سٸزگە دەگەن شىن نيەتٸمدٸ قابىل الىڭىز.
قولىمدى قويىپ, مٶرٸمدٸ باستىم, تاينىي سوۆەتنيك ەرٸ كاۆارلەر نەپليۋەۆ. حاتشى پەتر رىچكوۆ.
