Almatyda turǵyn úi aýlasyndaǵy sharýashylyq qurylystary órtendi. Órt ornynan 25 litrlik eki gaz ballony men 5 litrlik eki gaz ballony shyǵaryldy, dep habarlaidy QazAqparat.
Qalalyq tótenshe jaǵdailar departamentiniń málimetinshe, órt sóndirýshiler 18 qazan kúni saǵat 14:47 kezinde Almaly aýdanyndaǵy Qojamqulov kóshesi, 259 mekenjaiyndaǵy órtti sóndirýge shyqty.
Oqiǵa ornyna jetkende jalpy aýdany 40 sharshy metr sharýashylyq qurylystyń janyp jatqany anyqtaldy.
Órttiń jeke turǵyn úigelerge taralýy qaýipi týyndady. 25 litrlik gaz ballondardyń birinen gaz shyqqan soń ony órt sóndirýshiler qaýipsiz qashyqtyqqa shyǵaryp úlgerdi.
Jambyl kóshesiniń qaýipsizdigin qamtamasyz etý úshin politsiia qyzmetkerleri kósheni qorshaýǵa aldy.
Qabyldanǵan sharalardyń nátijesinde órt 8 minýtta, saǵat 15:10-da óshirildi. 15:27-de tolyǵymen joiyldy.
Órt sóndirý jumysyna 10 tehnika, jeke quramnan 35 adam jumyldyryldy.
Sońǵy derek boiynsha qyzyl jalyn 100 sharshy metrdi sharpyǵan.
