Jetisý oblysynyń órt sóndirýshileri áleýmettik jelide kópshiliktiń nazaryn aýdarǵan áserli videomen bólisti. Onda qutqarýshylardyń órtke deiingi jáne órtten keiingi kúii salystyrylyp kórsetilgen, dep habarlaidy ult.kz.
Beinejazbanyń alǵashqy kadrlarynda órt sóndirýshilerdiń arnaiy kiimi men qorǵanys quraldary tap-taza kórinedi. Alaida tilsiz jaýmen arpalysyp shyqqannan keiin olardyń bet-júzi kúiemen kómkerilip, arnaiy kiimderiniń de tútin men kúlge boialǵanyn baiqaýǵa bolady.
Osylaisha qutqarýshylar árbir órtti sóndirý ońai jumys emes ekenin, ár shaqyrtýdyń artynda aýyr eńbek, joǵary jaýapkershilik jáne ómirge tónetin qaýip jatqanyn kórsetti.
Mamandardyń aitýynsha, órtpen kúres kezinde olar joǵary temperatýra, qoiý tútin jáne túrli qaýip-qaterge qaramastan adamdardyń ómiri men múlkin aman alyp qalý úshin táýlik boiy qyzmet etedi. Jariialanǵan video jeli qoldanýshylarynyń rizashylyǵyna ie bolyp, kópshilik qutqarýshylarǵa alǵys pen qoldaý bildirdi.
