Qostanai oblysynda órtenip jatqan Fedorov aýdandyq aýrýhanasyndaǵy adamdar Qostanai qalasyna jetkizildi, dep habarlaidy "Ult aqparat" oblystyq densaýlyq saqtaý basqarmasynyń baspasóz qyzmetine silteme jasap.
«Qazirgi ýaqytta Fedorov aýdandyq aýrýhanasynyń patsientteri, atap aitqanda, otadan keiingi, júkti jáne bosanǵan áielder, sondai-aq erekshe baqylaýdy qajet etetinder Qostanai oblystyq aýrýhanasyna jetkizildi. Onyń ishinde reanimatsiialyq kómek qajet etetin naýqastar da bar. Al aýrýhanadan shyǵarýǵa daiyndalyp jatqan 6 patsient internatqa qonyp shyǵady», - dedi oblystyq densaýlyq saqtaý basqarmasynyń baspasóz hatshysy Kseniia Jilkibaeva.
Qazir Fedorov aýdanynyń jedel járdem qosalqy stantsiiasyna Qostanai qalasynyń jedel járdem brigadasy attandy.
Eske salsaq, Qostanai oblysynyń Fedorov aýdanynda aýrýhana órtenip jatyr.
QR TJM resmi ókili Talǵat Ýálidiń aitýynsha, búgin saǵat 18:28-de Qostanai oblysynyń órtke qarsy qyzmet pýltine Fedorov aýdanynyń aýrýhanasy ǵimaratyndaǵy órt týraly shaqyrtý túsken.
«Órt sóndirýshiler oqiǵa ornyna tórt minýttan keiin, saǵat 18:32-de jetti. Olar kelgen kezde órt 300 sharshy metr aýmaqta shatyr, tóbe jabyny jáne lift shahtasyn jalmaǵan. Oqiǵa ornyna Qostanai oblysy TJD jaqyn bólimsheleriniń kúshteri jumyldyryldy. Atap aitqanda, jeti arnaiy tehnika men jeke quramnyń 25 adamy órt aýmaǵynda jumys istep jatyr», - dep naqtylady Talǵat Ýáli.
