قوستاناي وبلىسىندا ٶرتەنٸپ جاتقان فەدوروۆ اۋداندىق اۋرۋحاناسىنداعى ادامدار قوستاناي قالاسىنا جەتكٸزٸلدٸ, دەپ حابارلايدى "ۇلت اقپارات" وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸنە سٸلتەمە جاساپ.
«قازٸرگٸ ۋاقىتتا فەدوروۆ اۋداندىق اۋرۋحاناسىنىڭ پاتسيەنتتەرٸ, اتاپ ايتقاندا, وتادان كەيٸنگٸ, جٷكتٸ جەنە بوسانعان ەيەلدەر, سونداي-اق ەرەكشە باقىلاۋدى قاجەت ەتەتٸندەر قوستاناي وبلىستىق اۋرۋحاناسىنا جەتكٸزٸلدٸ. ونىڭ ٸشٸندە رەانيماتسييالىق كٶمەك قاجەت ەتەتٸن ناۋقاستار دا بار. ال اۋرۋحانادان شىعارۋعا دايىندالىپ جاتقان 6 پاتسيەنت ينتەرناتقا قونىپ شىعادى», - دەدٸ وبلىستىق دەنساۋلىق ساقتاۋ باسقارماسىنىڭ باسپاسٶز حاتشىسى كسەنييا جيلكيباەۆا.
قازٸر فەدوروۆ اۋدانىنىڭ جەدەل جەردەم قوسالقى ستانتسيياسىنا قوستاناي قالاسىنىڭ جەدەل جەردەم بريگاداسى اتتاندى.
ەسكە سالساق, قوستاناي وبلىسىنىڭ فەدوروۆ اۋدانىندا اۋرۋحانا ٶرتەنٸپ جاتىر.
قر تجم رەسمي ٶكٸلٸ تالعات ۋەليدٸڭ ايتۋىنشا, بٷگٸن ساعات 18:28-دە قوستاناي وبلىسىنىڭ ٶرتكە قارسى قىزمەت پۋلتٸنە فەدوروۆ اۋدانىنىڭ اۋرۋحاناسى عيماراتىنداعى ٶرت تۋرالى شاقىرتۋ تٷسكەن.
«ٶرت سٶندٸرۋشٸلەر وقيعا ورنىنا تٶرت مينۋتتان كەيٸن, ساعات 18:32-دە جەتتٸ. ولار كەلگەن كەزدە ٶرت 300 شارشى مەتر اۋماقتا شاتىر, تٶبە جابىنى جەنە ليفت شاحتاسىن جالماعان. وقيعا ورنىنا قوستاناي وبلىسى تجد جاقىن بٶلٸمشەلەرٸنٸڭ كٷشتەرٸ جۇمىلدىرىلدى. اتاپ ايتقاندا, جەتٸ ارنايى تەحنيكا مەن جەكە قۇرامنىڭ 25 ادامى ٶرت اۋماعىندا جۇمىس ٸستەپ جاتىر», - دەپ ناقتىلادى تالعات ۋەلي.
