Almaty oblysy Kegen aýdanynda órtengen kúii tabylǵan politsiia qyzmetkeriniń ólimine qatysy bar degen kúdikke ilingen kámeletke tolmaǵandarǵa qatysty úiqamaq túrindegi bultartpaý sharasy qoldanyldy, dep habarlaidy ult.kz.
Bul týraly advokattar Gaýhar Saryeva men Dinara Shámshekova málimdedi.
Quqyq qorǵaýshylardyń aitýynsha, Kegen aýdandyq soty tergeý organdarynyń kámeletke tolmaǵandarǵa qatysty bultartpaý sharasyn tańdaý jónindegi ótinishin qaraǵan. Advokattardyń sózinshe, sýdia taraptardyń ýájderin jan-jaqty tyńdap, istiń barlyq mán-jaiyn muqiiat zerdelegen.
Sot sheshimimen kúdiktiler úiqamaqqa alynyp, olardyń úilerine beinebaqylaý kameralary ornatylady. Sondai-aq olarǵa qozǵalysyn baqylaýǵa arnalǵan elektrondy bilezikter taǵylatyn boldy.
Qorǵaýshylar sot barysynda tergeý barysynda eskerýsiz qalmaýy tiis mańyzdy jaittarǵa nazar aýdarǵanyn aitty. Olardyń pikirinshe, kámeletke tolmaǵandar uzaq ýaqyt boiy turmystyq zorlyq-zombylyq pen qatygez qarym-qatynastyń ortasynda ómir súrgen bolýy múmkin. Buǵan qosa, olar tek oqiǵanyń kýágerleri ǵana emes, ózderi de zorlyq-zombylyqtyń qurbany bolǵan degen boljam bar.
