الماتى وبلىسى كەگەن اۋدانىندا ٶرتەنگەن كٷيٸ تابىلعان پوليتسييا قىزمەتكەرٸنٸڭ ٶلٸمٸنە قاتىسى بار دەگەن كٷدٸككە ٸلٸنگەن كەمەلەتكە تولماعاندارعا قاتىستى ٷيقاماق تٷرٸندەگٸ بۇلتارتپاۋ شاراسى قولدانىلدى, دەپ حابارلايدى ult.kz.
بۇل تۋرالى ادۆوكاتتار گاۋحار سارىەۆا مەن دينارا شەمشەكوۆا مەلٸمدەدٸ.
قۇقىق قورعاۋشىلاردىڭ ايتۋىنشا, كەگەن اۋداندىق سوتى تەرگەۋ ورگاندارىنىڭ كەمەلەتكە تولماعاندارعا قاتىستى بۇلتارتپاۋ شاراسىن تاڭداۋ جٶنٸندەگٸ ٶتٸنٸشٸن قاراعان. ادۆوكاتتاردىڭ سٶزٸنشە, سۋديا تاراپتاردىڭ ۋەجدەرٸن جان-جاقتى تىڭداپ, ٸستٸڭ بارلىق مەن-جايىن مۇقييات زەردەلەگەن.
سوت شەشٸمٸمەن كٷدٸكتٸلەر ٷيقاماققا الىنىپ, ولاردىڭ ٷيلەرٸنە بەينەباقىلاۋ كامەرالارى ورناتىلادى. سونداي-اق ولارعا قوزعالىسىن باقىلاۋعا ارنالعان ەلەكتروندى بٸلەزٸكتەر تاعىلاتىن بولدى.
قورعاۋشىلار سوت بارىسىندا تەرگەۋ بارىسىندا ەسكەرۋسٸز قالماۋى تيٸس ماڭىزدى جايتتارعا نازار اۋدارعانىن ايتتى. ولاردىڭ پٸكٸرٸنشە, كەمەلەتكە تولماعاندار ۇزاق ۋاقىت بويى تۇرمىستىق زورلىق-زومبىلىق پەن قاتىگەز قارىم-قاتىناستىڭ ورتاسىندا ٶمٸر سٷرگەن بولۋى مٷمكٸن. بۇعان قوسا, ولار تەك وقيعانىڭ كۋەگەرلەرٸ عانا ەمەس, ٶزدەرٸ دە زورلىق-زومبىلىقتىڭ قۇربانى بولعان دەگەن بولجام بار.
