23 maýsymda Almaty oblysynyń taýly aimaǵynan 37 jastaǵy politsiia qyzmetkeri Aslan Álserovtiń órtengen denesi tabylǵan edi, dep habarlaidy ult.kz.
Qoǵamdy dúr silkindirgen oqiǵaǵa bailanysty qylmystyq is qozǵalyp, marqumnyń jubaiy Arailym Álserova kúdikti retinde qamaýǵa alyndy. Al oqiǵa ornynda bolǵan úsh kámeletke tolmaǵan jasóspirim úiqamaqqa jiberildi.
Ulysmedia basylymy jasóspirimderdiń advokattarymen tildesip, istiń mán-jaiyna qatysty jańa derekterdi jariialady.
Advokat Ǵalym Nurpeiisovtiń aitýynsha, onyń qorǵaýyndaǵy jasóspirim marqum Aslan Álserovtiń ulynyń dosy bolǵan. Oqiǵa bolǵan kúni ol dosynyń úiine oiyn oinaýǵa barǵan.
"Saraptama taǵaiyndadyq. Qazir onymen psiholog maman jumys istep jatyr. Qorytyndysyn alǵan kezde belgili bolady. Óitkeni myna jerde tergeýshiler kámeletke tolmaǵan balalarǵa qysym jasap, aldyn ala kelisim jasaǵan. Olar kámeletke tolmaǵan balalar. Oi joq. Olar bilmeidi, josparlamaidy. Ana jerde erli-zaiyptylardyń arasynda janjal bolǵan. Balalar shokta bolǵan. Qylmystyq kodekste bar nárse, «ekstsess soýchastie» degen. Ol oryssha aitqanda, "Ne v to vremia, ne v tom meste" bolǵan", – deidi Ǵalym Nurpeiisov.
