2020 jylǵy 10 qańtarǵa taǵaiyndalǵan Qazaqstan Respýblikasy Parlamenti Májilisiniń jáne máslihattarynyń depýtattaryn sailaý jónindegi naýqan sheńberinde aǵymdaǵy jylǵy 20 qarashada Qazaqstan Respýblikasy Ortalyq sailaý komissiiasynyń otyrysy ótti, dep habarlaidy "Ult aqparat".
Otyrysqa saiasi partiialardyń, Ádilet ministrliginiń ókilderi, BKB rejiminde aýmaqtyq sailaý komissiialary, onlain rejiminde - buqaralyq aqparat quraldarynyń ókilderi qatysty.
Otyrysta kelesi máseleler qarastyryldy:
1) Keibir saiasi partiialardy partiialyq tizimder boiynsha sailanatyn Qazaqstan Respýblikasy Parlamenti Májilisiniń jáne máslihattarynyń depýtattaryn sailaýǵa jiberý týraly.
2) 2021 jylǵy 10 qańtarǵa taǵaiyndalǵan Qazaqstan Respýblikasy Parlamenti Májilisi jáne máslihattar depýtattarynyń sailaýyna halyqaralyq uiymnyń baiqaýshylaryn akkreditteý týraly.
Kún tártibindegi birinshi másele boiynsha Qazaqstan Respýblikasy Ortalyq sailaý komissiiasynyń múshesi Asylbek Smaǵulov sóz sóiledi.
Ol 2020 jylǵy 5 qarashada Ortalyq sailaý komissiiasy 6 saiasi partiiany Parlament Májilisi depýtattaryn jáne partiialyq tizimder boiynsha sailanatyn máslihattar depýtattaryn sailaýǵa qatysýǵa jiberý týraly qaýly qabyldaǵanyn habarlady.
Sonymen qatar, Qazaqstan Respýblikasy Ádilet ministrliginiń aqparaty boiynsha 2020 jylǵy 11 qarashada «Birlik» saiasi partiiasy qaita tirkeýden ótip, «ADAL» saiasi partiiasy bolyp ataýyn ózgertti. Sondai-aq, 2020 jylǵy 12 qarashada Qazaqstan Kommýnistik Halyq partiiasy da tirkeýden ótip, Qazaqstan Halyq partiiasy bolyp ózgerdi.
«ADAL» saiasi partiiasynyń jáne Qazaqstan Halyq partiiasynyń barlyq filialdary 14 oblystyń ádilet organdarynda, sondai-aq Nur-Sultan, Almaty jáne Shymkent qalalarynda eseptik qaita tirkeýden ótti.
Osylaisha, Ortalyq sailaý komissiiasy «ADAL» saiasi partiiasy men Qazaqstannyń Halyq partiiasyn Qazaqstan Respýblikasy Parlamenti Májilisi men máslihattary depýtattaryn sailaýǵa qatysýǵa jiberý týraly qaýly qabyldady.
Kún tártibindegi birinshi máseleni túiindei kele, Ortsailaýkom Tóraǵasy Berik Imashev «ADAL» partiiasy Túrkistan oblysynda óz filialyn qaita tirkeýdi jáne Shymkent qalasynda partiia filialyn eseptik tirkeýdi júzege asyrǵanyn atap ótti. Osylaisha, partiia barlyq óńirlerdegi máslihattarǵa sailaýǵa qatysýǵa jiberildi.
Otyrystyń ekinshi máselesi boiynsha Ortalyq sailaý komissiiasynyń múshesi Anastasiia Shegortsova sóz sóiledi.
Óz baiandamasynda A.Shegortsova sailaý týraly Konstitýtsiialyq zańnyń 20-2-babyna sáikes shet memleketterdiń, halyqaralyq uiymdardyń baiqaýshylaryn akkreditteýdi Syrtqy ister ministrliginiń usynýy boiynsha Ortalyq sailaý komissiiasy júzege asyratynyn habarlady.
Osyǵan bailanysty Syrtqy ister ministrliginiń 2020 jylǵy 17 qarashadaǵy usynysy boiynsha akkreditteýge 29 baiqaýshy usynyldy. Olardyń barlyǵy akkreditatsiialaýǵa shyǵaryldy. Barlyq 29 baiqaýshy Táýelsiz Memleketter Dostastyǵyna (TMD) qatysýshy memleketterdiń Parlamentaralyq Assambleiasynan akkreditteledi. Akkreditteýge usynystardyń kelip túsýine qarai baiqaýshylar boiynsha derekter jańartylatyn bolady.
Halyqaralyq baqylaý institýtyn aǵymdaǵy jyldyń 22 qazanynda Ortalyq sailaý komissiiasy ashqan bolatyn.
Otyrystan keiin buqaralyq aqparat quraldary úshin brifing ótti, onda Ortsailaýkom músheleri BAQ suraqtaryna jaýap berdi.
