Búginnen bastap ortalyq sailaý komissiiasynyń músheleri BAQ ókilderimen jańa formatta jumys isteidi. Endi jýrnalister sailaý týraly ózin mazalaǵan suraqtardyń jaýabyn OSK-ǵa jazbasha saýal joldap qana baryp ala alady, dep habarlaidy Sputnik Qazaqstan tilshisi.
Buǵan deiin Ortalyq sailaý komissiiasynyń kez kelgen múshesi ár otyrystyń sońynan keiin BAQ aldyna shyǵyp, jýrnalisterdiń kez kelgen saýalyna jaýap beretin edi. Endi bulai bolmaidy. Kez kelgen BAQ kezekten tys prezident sailaýyna qatysty suraqtaryn aldyn ala jazbasha túrde Ortalyq sailaý komissiiasyna joldaýy tiis. Sodan keiin OSK músheleri jinalyp, ár suraqty jeke-jeke taldap, talqylap, jaýabyn aitady.
Ortalyq sailaý komissiiasynyń tóraǵasy Berik Imashev OSK alqaly organ ekenin jýrnalisterdiń esine taǵy bir márte eske saldy.
"Onyń sheshimderi mindetti jáne normativti sipatqa ie bolýy úshin ol komissiia músheleriniń kópshilik daýsymen qabyldanýy kerek. Komissiianyń birde bir múshesi otyrysta talqylanbaǵan másele boiynsha OSK atynan túsinikteme berýge quqyǵy joq", - dedi Imashev.
Onyń aitýynsha, OSK múshesi búkil alqaly organ úshin jaýap bere almaidy, tek óz pikirin ǵana aitýy múmkin. Osydan keiin OSK qiyn jaǵdaiǵa qalyp jatatyn kórinedi.
"OSK alqaly organ ekenin esten shyǵarmaiyq. Quqyqtyq pozitsiialar boiynsha biz barlyǵymyz teńbiz", - dedi ol.
Osydan keiin Imashev komissiia múshelerinen sailaý týraly konstitýtsiialyq zańnyń normalaryn qatań basshylyqqa alýdy ótindi.
