Búgin Ortalyq sailaý komissiiasynyń otyrysynda «Aýyl» halyqtyq-demokratiialyq patriottyq partiiasynyń partiialyq tizimin tirkedi, dep habarlaidy "Ult aqparat".
Otyrysty ashqan QR Ortalyq sailaý komissiiasynyń tóraǵasy Berik Imashev Májilis pen máslihattardyń partiialyq tizim boiynsha sailanatyn depýtattaryn sailaýǵa Qazaqstanda tirkelgen barlyq 6 saiasi partiianyń jiberilgenin eske saldy.
Osydan keiin QR OSK múshesi Asylbek Smaǵulov baiandama jasady.
Onyń atap ótýinshe, 2020 jylǵy 19 qarashada Qazaqstan Respýblikasy Ortalyq sailaý komissiiasyna «Aýyl» halyqtyq-demokratiialyq patriottyq partiiasy Qazaqstan Respýblikasy Parlamenti Májilisiniń depýtattyǵyna kandidattardy usyný týraly qujattaryn tapsyrǵan.
«Qazaqstan Respýblikasyndaǵy sailaý týraly» Konstitýtsiialyq zańnyń 89-babyna sáikes bir saiasi partiiadan tizimge engizilgen adamdardyń sany saiasi partiialar arasynda bólinetin depýtattyq mandattardyń belgilengen sanynan otyz paiyzǵa aspaityn bir ǵana tizimdi tirkeýge jol beriledi. Partiialyq tizimde áielder men 29 jasqa tolmaǵan adamdardyń sany oǵan engizilgen adamdardyń jalpy sanynyń keminde 30 paiyzyn quraýǵa tiis. «Aýyl» halyqtyq-demokratiialyq patriottyq partiiasynyń partiialyq tiziminde 19 adam, 4 áiel jáne 29 jasqa tolmaǵan 2 adam engizilgen, bul - tizimge engizilgenderdiń jalpy sanynyń 31,5 paiyzy», - dedi ol.
Sonymen qatar ol ýákiletti organdar usynǵan málimetter negizinde Ortalyq sailaý komissiiasy Májilis depýtaty bolyp sailaný úshin partiialyq tizimge engizilgen adamdardyń Konstitýtsiia men «Sailaý týraly» Konstitýtsiialyq zańnyń talaptaryna sáikestigine tekserý júrgizgenin aitty.
«Partiialyq tizimge engizilgen barlyq adamdar Konstitýtsiianyń jáne Sailaý týraly Konstitýtsiialyq zańnyń talaptaryna sáikes keledi»,- dedi Asylbek Smaǵulov.
Osyǵan bailanysty QR OSK músheleri «2021 jylǵy 10 qańtarǵa taǵaiyndalǵan Qazaqstan Respýblikasy Parlamenti Májilisi depýtattarynyń kezekti sailaýynda «Aýyl» halyqtyq-demokratiialyq patriottyq partiiasynyń partiialyq tizimin tirkeý týraly» qaýly qabyldady.
