Ortalyq kommýnikatsiialar qyzmetine jańa basshy taǵaiyndaldy, dep habarlaidy "Ult aqparat".
«Aldymyzda qyrýar mindet tur», - dedi QR Aqparat jáne kommýnikatsiialar ministri Dáýren Abaev OKQ jańa basshysy Rýslan Alishevti tanystyra otyryp.
Sondai-aq, ministr Anastasiia Shegýrtsovanyń «Qazkontent» AQ basshysynyń orynbasary laýazymyna taǵaiyndalǵanyn jetkizdi.
Alishev Rýslan Qanathanuly 1978 jylǵy 29 shildede dúniege kelgen. Petropavl ekonomika jáne quqyq kolledjin (1997), M. Qozybaev atyndaǵy Soltústik Qazaqstan memlekettik ýniversitetin (2001), A. Myrzahmetov atyndaǵy Kókshetaý ýniversitetin (2006) bitirgen.
2004-2009 jyldar aralyǵynda Soltústik Qazaqstan oblysy «Petropavl qalasynyń ishki saiasat bólimi» MM-de túrli laýazymdarda jumys istegen.
2010 jyldan 2013 jylǵa deiin Soltústik Qazaqstan oblysy ishki saiasat basqarmasynda bas maman, basqarma basshysynyń orynbasary jáne basqarma bastyǵy bolǵan.
2013 jyly Soltústik Qazaqstan oblysy Maǵjan Jumabaev aýdany ákiminiń áleýmettik máseleler jónindegi orynbasary boldy.
2013 - 2014 jyldary Qazaqstan Respýblikasy Mádeniet jáne aqparat ministrliginiń Aqparat jáne arhivter komitetiniń Elektrondy BAQ basqarmasyn basqardy.
2014 jyldan 2016 jylǵa deiin «Nur Otannyń» Saiasi jumystar departamentiniń direktory.
2016 jylǵy shildeden bastap Qazaqstan Respýblikasy Aqparat jáne kommýnikatsiialar ministrligi Aqparat komiteti tóraǵasynyń orynbasary.
