Memleket basshysy QR Prezidenti janyndaǵy «Ortalyq kommýnikatsiialar qyzmeti» respýblikalyq memlekettik mekemesin qurý jónindegi Jarlyqqa qol qoidy, dep habarlaidy "Ult aqparat" Aqordaǵa silteme jasap.
Qazaqstan Respýblikasynyń Prezidenti janyndaǵy «Ortalyq kommýnikatsiialar qyzmeti» respýblikalyq memlekettik mekemesin qurý jáne Qazaqstan Respýblikasy Prezidentiniń keibir jarlyqtaryna ózgeris pen tolyqtyrýlar engizý týraly
«Qazaqstan Respýblikasynyń prezidenti týraly» Qazaqstan Respýblikasynyń 1995 jylǵy 26 jeltoqsandaǵy Konstitýtsiialyq zańynyń 33-babyna sáikes qaýly etemin:
1. Nur-Sultan qalasynda Qazaqstan Respýblikasynyń prezidenti janyndaǵy «Ortalyq kommýnikatsiialar qyzmeti» respýblikalyq memlekettik mekemesi (budan ári – mekeme) qurylsyn.
2. Mekemeniń shtat sany 33 birlik mólsherinde belgilensin.
3. Qazaqstan Respýblikasy Prezidentiniń ákimshiligi mekemege qatysty ýákiletti organ bolyp aiqyndalsyn.
4. Qazaqstan Respýblikasynyń prezidenti mekeme direktoryn qyzmetke taǵaiyndaidy jáne qyzmetten bosatady dep belgilensin.
5. Qazaqstan Respýblikasynyń Úkimeti:
1) Qazaqstan Respýblikasy Aqparat jáne qoǵamdyq damý ministrliginiń «Ortalyq kommýnikatsiialar qyzmeti» respýblikalyq memlekettik mekemesin, onyń múlkin mekemege bere otyryp, taratsyn;
2) bir ai merzimde mekemeniń jarǵysyn ázirlep, belgilengen tártipte bekitýge engizsin;
3) mekemeniń memlekettik tirkelýin qamtamasyz etsin;
4) osy Jarlyqtan týyndaityn ózge de sharalardy qabyldasyn.
6. QR prezidentiniń Is basqarmasy QR Qarjy ministrligimen birlesip, mekemeni ornalastyrý úshin Qazaqstan Respýblikasynyń zańnamasynda belgilengen tártippen úi-jai bólýdi qamtamasyz etsin.
7. Osy Jarlyqqa qosymshaǵa sáikes QR prezidentiniń keibir jarlyqtaryna ózgeris pen tolyqtyrýlar engizilsin.
8. Osy Jarlyq qol qoiylǵan kúninen bastap qoldanysqa engiziledi.
Qazaqstan Respýblikasynyń
Prezidenti
Q.Toqaev
Nur-Sultan, Aqorda, 2019 jylǵy 22 shilde
№ 75
