مەملەكەت باسشىسى قر پرەزيدەنتٸ جانىنداعى «ورتالىق كوممۋنيكاتسييالار قىزمەتٸ» رەسپۋبليكالىق مەملەكەتتٸك مەكەمەسٸن قۇرۋ جٶنٸندەگٸ جارلىققا قول قويدى, دەپ حابارلايدى "ۇلت اقپارات" اقورداعا سٸلتەمە جاساپ.
قازاقستان رەسپۋبليكاسىنىڭ پرەزيدەنتٸ جانىنداعى «ورتالىق كوممۋنيكاتسييالار قىزمەتٸ» رەسپۋبليكالىق مەملەكەتتٸك مەكەمەسٸن قۇرۋ جەنە قازاقستان رەسپۋبليكاسى پرەزيدەنتٸنٸڭ كەيبٸر جارلىقتارىنا ٶزگەرٸس پەن تولىقتىرۋلار ەنگٸزۋ تۋرالى
«قازاقستان رەسپۋبليكاسىنىڭ پرەزيدەنتٸ تۋرالى» قازاقستان رەسپۋبليكاسىنىڭ 1995 جىلعى 26 جەلتوقسانداعى كونستيتۋتسييالىق زاڭىنىڭ 33-بابىنا سەيكەس قاۋلى ەتەمٸن:
1. نۇر-سۇلتان قالاسىندا قازاقستان رەسپۋبليكاسىنىڭ پرەزيدەنتٸ جانىنداعى «ورتالىق كوممۋنيكاتسييالار قىزمەتٸ» رەسپۋبليكالىق مەملەكەتتٸك مەكەمەسٸ (بۇدان ەرٸ – مەكەمە) قۇرىلسىن.
2. مەكەمەنٸڭ شتات سانى 33 بٸرلٸك مٶلشەرٸندە بەلگٸلەنسٸن.
3. قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸ مەكەمەگە قاتىستى ۋەكٸلەتتٸ ورگان بولىپ ايقىندالسىن.
4. قازاقستان رەسپۋبليكاسىنىڭ پرەزيدەنتٸ مەكەمە ديرەكتورىن قىزمەتكە تاعايىندايدى جەنە قىزمەتتەن بوساتادى دەپ بەلگٸلەنسٸن.
5. قازاقستان رەسپۋبليكاسىنىڭ ٷكٸمەتٸ:
1) قازاقستان رەسپۋبليكاسى اقپارات جەنە قوعامدىق دامۋ مينيسترلٸگٸنٸڭ «ورتالىق كوممۋنيكاتسييالار قىزمەتٸ» رەسپۋبليكالىق مەملەكەتتٸك مەكەمەسٸن, ونىڭ مٷلكٸن مەكەمەگە بەرە وتىرىپ, تاراتسىن;
2) بٸر اي مەرزٸمدە مەكەمەنٸڭ جارعىسىن ەزٸرلەپ, بەلگٸلەنگەن تەرتٸپتە بەكٸتۋگە ەنگٸزسٸن;
3) مەكەمەنٸڭ مەملەكەتتٸك تٸركەلۋٸن قامتاماسىز ەتسٸن;
4) وسى جارلىقتان تۋىندايتىن ٶزگە دە شارالاردى قابىلداسىن.
6. قر پرەزيدەنتٸنٸڭ ٸس باسقارماسى قر قارجى مينيسترلٸگٸمەن بٸرلەسٸپ, مەكەمەنٸ ورنالاستىرۋ ٷشٸن قازاقستان رەسپۋبليكاسىنىڭ زاڭناماسىندا بەلگٸلەنگەن تەرتٸپپەن ٷي-جاي بٶلۋدٸ قامتاماسىز ەتسٸن.
7. وسى جارلىققا قوسىمشاعا سەيكەس قر پرەزيدەنتٸنٸڭ كەيبٸر جارلىقتارىنا ٶزگەرٸس پەن تولىقتىرۋلار ەنگٸزٸلسٸن.
8. وسى جارلىق قول قويىلعان كٷنٸنەن باستاپ قولدانىسقا ەنگٸزٸلەدٸ.
قازاقستان رەسپۋبليكاسىنىڭ
پرەزيدەنتٸ
ق.توقاەۆ
نۇر-سۇلتان, اقوردا, 2019 جىلعى 22 شٸلدە
№ 75
