Ortaǵasyrlyq derektermen jumys isteý óte kúrdeli ekenin eskerý kerek. Bul týraly tarih ǵylymdarynyń kandidaty Nurlan Atyǵaev aitty, dep habarlaidy QazAqparat.
«HIII ǵasyrdan bastalǵan Joshy ulysynyń tarihy HVIII-HIH ǵasyrǵa deiin jalǵasty. Óitkeni, kóp jaǵdaida tarihshylar Joshy ulysynyń tarihyn Altyn orda tarihymen bailanystyrady. Negizinen Joshy ulysy geografiialyq termin retinde qoldanylyp ketti. Sondyqtan, bul – úlken tarih. Altyn orda qulaǵannan keiin Joshy ulysy qulap qalmai, keiingi kezeńderge jalǵasty», - dedi Nurlan Atyǵaev «Joshy ulysy tarihynyń máseleleri» VII tarihshylarynyń ulttyq kongresinde.
Tarihshynyń aitýyna qaraǵanda, Joshy ulysynyń tarihy – túrki halyqtaryna ortaq tarih.
«Ortaǵasyrlyq derektermen jumys isteý óte kúrdeli ekenin eskerý kerek. Sebebi, munymen ainalysatyn mamandar Qazaqstanda óte az. Ekinshiden, bul sala kóp qarajatty talap etedi. Shetelde, ásirese Eýropada tarihtyń bul kezeńin talmai zerttep jatqandar barshylyq. Óitkeni, árbir sheteldik kitaphanada jumys isteý úshin ol jaqta aptalap, ailap jatyp eńbektený kerek. Sonymen birge, bizde kadrlyq máselelerdiń de ótkir ekenin aita ketken abzal. Naqty ortaǵasyrlyq tarihty zertteitin kadrlardy daiyndaý máselesi bar. Máselen, bizde shyǵystaný faýltetin bitiretin stýdentter parsy, arab tilderin bilgenimen ǵylymǵa kelgisi joq. Bir sózben, 60-70 myń teńge ailyqpen júrgisi kelmeidi», - dedi ol.
Nurlan Atyǵaevtyń sózine sensek, tarihty zertteýde azdap kesheýildep jatqanymyzdy aitady.
«Máselen, Altyn ordanyń 750 jyldyǵyna bailanysty ótken úlken halyqaralyq forýmǵa qatystym. Qazir tatarlar óte jaqsy jumys istep jatyr. Olar orta ǵasyrlyq derekterdiń birnesheýin aýdaryp, jaqynda Rashid ad-Dinniń eńbegin orys tiline aýdardy. Qoljazbalardy aýdara bastady. Sondyqtan, biz tatar, túrki halyqtarymen birlese, kóshten qalmai tarihty zertteýimiz kerek», - dedi Nurlan Atyǵaev.
