Foto: senate.parlam.kz
Senat tóraǵasy Máýlen Áshimbaev orta kásipkerlik sýbektilerin qoldaýdy kúsheitý qajet ekenin málimdedi, dep habarlaidy Sputnik Qazaqstan.
"Qazirgi tańda orta biznes toqyrap tur dese de bolady. Orta kásiporyndardyń JIÓ-ge úlesi 2019 jylǵy deńgeide qalǵan – 6% shamasynda. Onyń ústine orta biznes kásiporyndarynyń 30 paiyzǵa jýyǵy alǵashqy jartyjyldyqta shyǵynǵa ushyrady", - dedi Áshimbaev senattaǵy úkimet saǵatynda.
Spikerdiń aitýynsha, ekonomikany ártaraptandyrý úshin tiimdilikke muqiiat taldaý júrgizip, biznesti qoldaý sharalaryn qaita qarastyrý qajet.
"Eń aldymen, perspektivasy bar jáne ónimdiligi mol sektorlardy damytýǵa kóńil bólý mańyzdy", - dep sanaidy senat tóraǵasy.
Áshimbaev qazir memlekettik qoldaý kóp jaǵdaida shaǵyn kásipkerlikke jáne jańa biznes ashýǵa baǵyttalǵanyn aitty. Ol tiimdi jumys istep turǵan kásiporyndardy irilendirýge jáne aýqymdy etýge yntalandyratyn sharalardy kúsheitý qajet ekenin atap ótti.
