Foto: Pexels.com
Qostanai soty «Basaman» orman sharýashylyǵy mekemesiniń burynǵy basshysynan keltirilgen zalal men shyǵyn úshin ótemaqy óndirip aldy, onyń kinásinen aýqymdy órt shyqqan, dep habarlaidy Ult.kz.
Qostanai oblystyq sotynyń málimetinshe, 2022 jyly burynǵy basshy J., óziniń qyzmettik ókilettigin asyra paidalanyp, órt qaýpi joǵary kezeńde jazǵy ýaqytta Qostanai oblysynyń orman qory aýmaǵynda adamdardyń bolýyna belgilengen tyiymǵa qaramastan, jeke brigadanyń ormanda bolýyna, orman jáne aǵash kesý jumystaryn júrgizýge zańsyz ruqsat bergen.
Ormandy kesken brigadalardyń biriniń qural-jabdyqtarynyń durys jumys istemeýinen Basaman jáne Semiozernyi orman sharýashylyǵynyń aýmaqtaryn, sondai-aq Áýliekól aýdanynyń Amanqaraǵai jáne Ozernoe aýyldaryn sharpyǵan aýqymdy órt shyqqan.
Órt saldarynan janýarlar qaza taýyp, 32 myń gektardan astam orman joiyldy. Qylmystyq is qozǵaldy.
Orman sharýashylyǵy basshysy yzmettik ókilettigin asyra paidalanǵany úshin kináli dep tanylyp, tórt jarym jylǵa sottaldy. Oǵan memlekettik qyzmette jumys isteýge ómir boiy tyiym salyndy.
Endi sottalýshydan materialdyq zalaldy óndirip alý ýaqyty keldi. Sot talap qoiýdy ishinara qanaǵattandyrdy: jaýapkerden memleket kirisine 21 mlrd 436 mln teńge, oblystyq biýdjetke – 18 mlrd teńge jáne aýdandyq biýdjetke – 326 mln teńge zalal óndirildi.
Sheshim áli zańdy kúshine engen joq.
