فوتو: Pexels.com
قوستاناي سوتى «باسامان» ورمان شارۋاشىلىعى مەكەمەسٸنٸڭ بۇرىنعى باسشىسىنان كەلتٸرٸلگەن زالال مەن شىعىن ٷشٸن ٶتەماقى ٶندٸرٸپ الدى, ونىڭ كٸنەسٸنەن اۋقىمدى ٶرت شىققان, دەپ حابارلايدى Ult.kz.
قوستاناي وبلىستىق سوتىنىڭ مەلٸمەتٸنشە, 2022 جىلى بۇرىنعى باسشى ج., ٶزٸنٸڭ قىزمەتتٸك ٶكٸلەتتٸگٸن اسىرا پايدالانىپ, ٶرت قاۋپٸ جوعارى كەزەڭدە جازعى ۋاقىتتا قوستاناي وبلىسىنىڭ ورمان قورى اۋماعىندا ادامداردىڭ بولۋىنا بەلگٸلەنگەن تىيىمعا قاراماستان, جەكە بريگادانىڭ ورماندا بولۋىنا, ورمان جەنە اعاش كەسۋ جۇمىستارىن جٷرگٸزۋگە زاڭسىز رۇقسات بەرگەن.
ورماندى كەسكەن بريگادالاردىڭ بٸرٸنٸڭ قۇرال-جابدىقتارىنىڭ دۇرىس جۇمىس ٸستەمەۋٸنەن باسامان جەنە سەميوزەرنىي ورمان شارۋاشىلىعىنىڭ اۋماقتارىن, سونداي-اق ەۋليەكٶل اۋدانىنىڭ امانقاراعاي جەنە وزەرنوە اۋىلدارىن شارپىعان اۋقىمدى ٶرت شىققان.
ٶرت سالدارىنان جانۋارلار قازا تاۋىپ, 32 مىڭ گەكتاردان استام ورمان جويىلدى. قىلمىستىق ٸس قوزعالدى.
ورمان شارۋاشىلىعى باسشىسى ىزمەتتٸك ٶكٸلەتتٸگٸن اسىرا پايدالانعانى ٷشٸن كٸنەلٸ دەپ تانىلىپ, تٶرت جارىم جىلعا سوتتالدى. وعان مەملەكەتتٸك قىزمەتتە جۇمىس ٸستەۋگە ٶمٸر بويى تىيىم سالىندى.
ەندٸ سوتتالۋشىدان ماتەريالدىق زالالدى ٶندٸرٸپ الۋ ۋاقىتى كەلدٸ. سوت تالاپ قويۋدى ٸشٸنارا قاناعاتتاندىردى: جاۋاپكەردەن مەملەكەت كٸرٸسٸنە 21 ملرد 436 ملن تەڭگە, وبلىستىق بيۋدجەتكە – 18 ملرد تەڭگە جەنە اۋداندىق بيۋدجەتكە – 326 ملن تەڭگە زالال ٶندٸرٸلدٸ.
شەشٸم ەلٸ زاڭدى كٷشٸنە ەنگەن جوق.
