Úndistanda aýa temperatýrasy shamadan tys ysyp, 52 gradýsqa deiin jetken. Saldarynan ormandarda órt, el astanasynda sý tapshy bolyp, ystyqqa tózbegen turǵyndar jappai esterinen tanyp jatyr. Bul týraly "Ult aqparat" Astana arnasyna silteme jasap habarlaidy.
Úndistan astanasynda eki kún boiy aptap ystyq saqtalyp otyr. Niý-Deli biligi turǵyndarǵa qalada sý jetkiliksiz bolýy múmkin ekenin eskertti. Ádette kúnine eki ret sý alatyn aimaqtar endi ony kúnine bir ret qana alady. Osy ýaqytta Úndistannyń Djammý jáne Kashmir shtattarynda joǵary temperatýra orman órtterin týdyrdy. Qaza tapqandar men órtten zardap shekkender joq.
"Kesheden beri munda órt órship tur. Órt ártúrli jerlerge taralyp jatyr. Adamdar tunshyǵyp, kóptegen qiyndyqtarǵa tap boldy. Mamandar bar kúsh-jigerin salsa da, órt áli sóndirilmedi", – dedi Úndistan turǵyny Mustafa Shabnam.
Úndistannyń meteorologiialyq departamenti eldiń soltústik-batysyndaǵy birneshe aýdandarǵa tótenshe jaǵdaidyń "qyzyl" deńgeiin jariialady. Mamandar turǵyndarǵa kóshege shyqpaýdy eskertip otyr. Alaida kún saiyn ondaǵan azamat esinen tanyp aýrýhanaǵa túsip jatyr.
"Adamdar kóshege tek mańyzdy is bolsa ǵana shyǵýy kerek. Basqa ýaqytta úide otyrǵandary jón. Aýa temperatýrasy tym joǵary. Men aýrýhanada jumys isteimin. Biz kún saiyn miǵa qan ketýdiń kóbirek jaǵdailaryn kórip otyrmyz", – dedi medbike Karla.
Delide aýa raiyna bailanysty stýdentterdiń jaǵdaiy qiyndaǵan. Olar da esinen tanyp, aýyryp jatyr. Sebebi oqý oryndaryndaǵy jeldetkishter isten shyqqan. Al Nadjafgarhta elektr qýaty múldem joq.
Mamandar arab teńizinen salqyn jel birtindep soǵyp, ol aýa temperatýranyń birtindep tómendeýine áser etedi dep úmittenip otyr.
.jpg)