ٷندٸستاندا اۋا تەمپەراتۋراسى شامادان تىس ىسىپ, 52 گرادۋسقا دەيٸن جەتكەن. سالدارىنان ورمانداردا ٶرت, ەل استاناسىندا سۋ تاپشى بولىپ, ىستىققا تٶزبەگەن تۇرعىندار جاپپاي ەستەرٸنەن تانىپ جاتىر. بۇل تۋرالى "ۇلت اقپارات" استانا ارناسىنا سٸلتەمە جاساپ حابارلايدى.
ٷندٸستان استاناسىندا ەكٸ كٷن بويى اپتاپ ىستىق ساقتالىپ وتىر. نيۋ-دەلي بيلٸگٸ تۇرعىندارعا قالادا سۋ جەتكٸلٸكسٸز بولۋى مٷمكٸن ەكەنٸن ەسكەرتتٸ. ەدەتتە كٷنٸنە ەكٸ رەت سۋ الاتىن ايماقتار ەندٸ ونى كٷنٸنە بٸر رەت قانا الادى. وسى ۋاقىتتا ٷندٸستاننىڭ دجاممۋ جەنە كاشمير شتاتتارىندا جوعارى تەمپەراتۋرا ورمان ٶرتتەرٸن تۋدىردى. قازا تاپقاندار مەن ٶرتتەن زارداپ شەككەندەر جوق.
"كەشەدەن بەرٸ مۇندا ٶرت ٶرشٸپ تۇر. ٶرت ەرتٷرلٸ جەرلەرگە تارالىپ جاتىر. ادامدار تۇنشىعىپ, كٶپتەگەن قيىندىقتارعا تاپ بولدى. ماماندار بار كٷش-جٸگەرٸن سالسا دا, ٶرت ەلٸ سٶندٸرٸلمەدٸ", – دەدٸ ٷندٸستان تۇرعىنى مۇستافا شابنام.
ٷندٸستاننىڭ مەتەورولوگييالىق دەپارتامەنتٸ ەلدٸڭ سولتٷستٸك-باتىسىنداعى بٸرنەشە اۋداندارعا تٶتەنشە جاعدايدىڭ "قىزىل" دەڭگەيٸن جارييالادى. ماماندار تۇرعىندارعا كٶشەگە شىقپاۋدى ەسكەرتٸپ وتىر. الايدا كٷن سايىن ونداعان ازامات ەسٸنەن تانىپ اۋرۋحاناعا تٷسٸپ جاتىر.
"ادامدار كٶشەگە تەك ماڭىزدى ٸس بولسا عانا شىعۋى كەرەك. باسقا ۋاقىتتا ٷيدە وتىرعاندارى جٶن. اۋا تەمپەراتۋراسى تىم جوعارى. مەن اۋرۋحانادا جۇمىس ٸستەيمٸن. بٸز كٷن سايىن ميعا قان كەتۋدٸڭ كٶبٸرەك جاعدايلارىن كٶرٸپ وتىرمىز", – دەدٸ مەدبيكە كارلا.
دەليدە اۋا رايىنا بايلانىستى ستۋدەنتتەردٸڭ جاعدايى قيىنداعان. ولار دا ەسٸنەن تانىپ, اۋىرىپ جاتىر. سەبەبٸ وقۋ ورىندارىنداعى جەلدەتكٸشتەر ٸستەن شىققان. ال نادجافگارحتا ەلەكتر قۋاتى مٷلدەم جوق.
ماماندار اراب تەڭٸزٸنەن سالقىن جەل بٸرتٸندەپ سوعىپ, ول اۋا تەمپەراتۋرانىڭ بٸرتٸندەپ تٶمەندەۋٸنە ەسەر ەتەدٸ دەپ ٷمٸتتەنٸپ وتىر.
.jpg)