Ornyqty damý maqsattary tanystyryldy

Parlament Senatynda Birikken Ulttar Uiymynda 2030 jylǵa deiingi Jahandyq kún tártibi retinde qabyldanǵan Ornyqty damý maqsattary (ODM) tanystyryldy. BUU-ǵa qatysýshy memleketter 2015 jylǵy qyrkúiekte qabyldaǵan 17 maqsat kedeilikti joiýǵa, jer júzindegi resýrstardy saqtaýǵa jáne barshanyń teńdigi men igiligin qamtamasyz etýge baǵyttalyp otyr.

Ornyqty damý maqsattaryn iske asyrýdy damytýǵa arnalǵan keshen­di qadamdardy, kedeilik pen teńsiz­diktiń túpki sebepterin joiýdy kóz­­deidi. Osy oraida, sharany asha kelip, Senattyń Halyqaralyq qaty­­nastar, qorǵanys jáne qaýip­siz­dik komitetiniń tóraiymy Da­ri­ǵa Nazarbaeva Ornyqty damý maq­sat­­tarynyń bári qamtylatynyn jáne órshil baǵdarlamalaryn iske asy­­rýda ulttyq úkimetterge negizgi jaý­ap­kershilik júkteletinin atap ótti.

Senatordyń aitýynsha, bizdiń elimiz BUU bastamalaryn iske asyrýǵa belsendi qatysyp keledi jáne 2017 jyly BUU Qaýipsizdik Keńesiniń Turaqty emes múshesi bolý qurmetine ie boldy. Bizdiń elimizde qabyldanǵan ulttyq strategiialyq qujattar men salalyq memlekettik baǵdarlamalar Ornyqty damý maqsattaryna úndes bolyp otyr. Bes institýttyq reformany iske asyrý jónindegi «100 naqty qadam» Ult jospary Ornyqty damý maqsattaryn tabysty júzege asyrýǵa eleýli tetikter usynady», dep atap ótti D.Nazarbaeva.

Onyń sózinde aldaǵy «Bo­la­shaq­tyń energiiasy» taqyrybymen Astanada ótetin EKSPO-2017 halyqaralyq kórmesinde ekolo­giia­lyq maqsattardy ilgeriletýdiń mańyzdy róli atap ótildi. «Bizdiń respýblikamyzdyń jetistikteri jáne jańa mindetter qoiý deń­geii El­basynyń Qazaqstandy damy­­tý­daǵy alysty boljaǵan strate­­giialyq oilaryn kórsetedi. Qazir­gi zamandaǵy Qazaqstan Ornyq­ty damý maqsattaryna qol jetki­zýde kósh­basshy bolýǵa daiyn jáne ai­maqtaǵy elder úshin ónege retin­de qyzmet etedi», dedi D.Nazar­baeva.

BUU Damý baǵdarlamasynyń Turaqty ókili – BUU Turaqty úilestirýshisi Norimasa Shimamýra par­la­mentshilerge quttyqtaý sóz ar­nady. Onyń aitýynsha, Ornyq­ty damýdyń aýqymy boiynsha bári qam­ty­latyn jáne órshil maqsat­taryna qol jetkizý barlyq múddeli tarap­tardyń tyǵyz áriptestigi jaǵ­daiynda ǵana qol jetkizýge bolady.

Al Syrtqy ister ministriniń orynbasary Erjan Ashyqbaev Qazaqstanda ODM-ny iske asyrý barysy týraly senatorlardy habardar etti.

Tanystyrylymǵa qatysýshylar Senat depýtattary Birǵanym Áitimova, Aqan Bijanov, Geogrii Kim jáne Darhan Káletaevtyń qoiǵan saýaldaryna jaýap berdi.

Shara qorytyndysy boiynsha se­na­torlar Ornyqty damý qaǵi­dat­taryn ilgeriletý qajettigi jáne Ornyqty damý maqsattaryn iske asy­rýǵa qolaily jaǵdai qalyp­tastyrý úshin qoldanystaǵy zańna­maǵa ODM-ny kiriktirýge járdem­desý atap ótilgen málimdeme qabyl­dady. Málimdemede ODM-ǵa qol jetkizý Qazaqstannyń halyqtyń ál-aýqatyn jaqsartýǵa jáne álemdegi básekege eń qabiletti 30 eldiń qataryna enýine múmkindik beretini aitylady, dep habarlady Senattyń baspasóz qyzmeti.