Ekologiia ministrligi sybailas jemqorlyqqa qarsy sharalardy qolǵa alýda, dep habarlaidy "Ult aqparat" vedomstvonyń baspasóz qyzmetine silteme jasap.
Ekologiia, geologiia jáne tabiǵat resýrstary ministrliginiń jaýapty hatshysy Sábit Nurlybaidyń tóraǵalyǵymen sybailas jemqorlyqqa qarsy kúres boiynsha keńes ótkizildi.
Keńeste zań qyzmeti departamentiniń direktory M. Hairýllinniń sybailas jemqorlyqqa qarsy kúrestiń aldaǵy sharalary jaily baiandamasy tyńdaldy.
Spiker Orman sharýashylyǵy jáne janýarlar dúniesi komitetiniń aýmaqtyq bólimderindegi sybailas jemqorlyqqa qarsy kúrestiń óz dárejesinde emestigine toqtaldy. Atap aitqanda 2019 jyldyń shildesi men 2020 jyldyń tamyzy aralyǵynda 11 qyzmetker qylmystyq jaýapkershilikke tartylǵan (qyzmet babyn asyra paidalaný, para alý, zańsyz ań aýlaý, biýdjetten aqsha urlaý).
Jaýapty hatshy komitet tóraǵasynyń mindetin atqarýshy N.Júnisovke komitet qyzmetkerleri arasynda sybailas jemqorlyq kórinisterine qarsy kúresti kúsheitý jaily tapsyrma berdi.
Sonymen qatar keńeste komitetterdiń, aýmaqtyq bólimshe basshylarynyń Sybailas jemqorlyqqa qarsy is-qimyl agenttigi jáne «Adaldyq alańy» jobasy keńsesimen birlesip, syrtqy taldaý barysynda anyqtalǵan sybailas jemqorlyq táýekelderin joiý jaily josparynyń oryndalý barysy tyńdaldy.
