ەكولوگييا مينيسترلٸگٸ سىبايلاس جەمقورلىققا قارسى شارالاردى قولعا الۋدا, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
ەكولوگييا, گەولوگييا جەنە تابيعات رەسۋرستارى مينيسترلٸگٸنٸڭ جاۋاپتى حاتشىسى سەبيت نۇرلىبايدىڭ تٶراعالىعىمەن سىبايلاس جەمقورلىققا قارسى كٷرەس بويىنشا كەڭەس ٶتكٸزٸلدٸ.
كەڭەستە زاڭ قىزمەتٸ دەپارتامەنتٸنٸڭ ديرەكتورى م. حايرۋلليننٸڭ سىبايلاس جەمقورلىققا قارسى كٷرەستٸڭ الداعى شارالارى جايلى بايانداماسى تىڭدالدى.
سپيكەر ورمان شارۋاشىلىعى جەنە جانۋارلار دٷنيەسٸ كوميتەتٸنٸڭ اۋماقتىق بٶلٸمدەرٸندەگٸ سىبايلاس جەمقورلىققا قارسى كٷرەستٸڭ ٶز دەرەجەسٸندە ەمەستٸگٸنە توقتالدى. اتاپ ايتقاندا 2019 جىلدىڭ شٸلدەسٸ مەن 2020 جىلدىڭ تامىزى ارالىعىندا 11 قىزمەتكەر قىلمىستىق جاۋاپكەرشٸلٸككە تارتىلعان (قىزمەت بابىن اسىرا پايدالانۋ, پارا الۋ, زاڭسىز اڭ اۋلاۋ, بيۋدجەتتەن اقشا ۇرلاۋ).
جاۋاپتى حاتشى كوميتەت تٶراعاسىنىڭ مٸندەتٸن اتقارۋشى ن.جٷنٸسوۆكە كوميتەت قىزمەتكەرلەرٸ اراسىندا سىبايلاس جەمقورلىق كٶرٸنٸستەرٸنە قارسى كٷرەستٸ كٷشەيتۋ جايلى تاپسىرما بەردٸ.
سونىمەن قاتار كەڭەستە كوميتەتتەردٸڭ, اۋماقتىق بٶلٸمشە باسشىلارىنىڭ سىبايلاس جەمقورلىققا قارسى ٸس-قيمىل اگەنتتٸگٸ جەنە «ادالدىق الاڭى» جوباسى كەڭسەسٸمەن بٸرلەسٸپ, سىرتقى تالداۋ بارىسىندا انىقتالعان سىبايلاس جەمقورلىق تەۋەكەلدەرٸن جويۋ جايلى جوسپارىنىڭ ورىندالۋ بارىسى تىڭدالدى.
