Foto: primeminister.kz
Byltyr 800-den astam orman órti tirkeldi. Bul týraly Parlament Májilisinde ormandy qorǵaý taqyrybyna arnalǵan Úkimet saǵatynda QR Ekologiia jáne tabiǵi resýrstar ministri Erlan Nysanbaev aitty, dep habarlaidy «Ult aqparat» Kazinformǵa silteme jasap.
«Memlekettik orman qorynyń aýdany 30,9 mln gektar, onyń ishinde ormanmen kómkerilgen jer - 13,7 mln gektar. El aýmaǵynda ormandy alqap 5 paiyzdy qurady. 2023 jyly jalpy aýdany 116,8 myń gektardy qamtyǵan 810 orman órti tirkeldi, onyń ishinde naqty ormandy alań 61,1 myń gektar», - dedi E. Nysanbaev.
Onyń aitýynsha, ormanda qyzyl jalynnyń jaiylýyna naizaǵai túsý (498), aýyl sharýashylyǵy jerlerinen kelgen órt áser etken (87), sondai-aq anyqtalmaǵan sebepterden 194 oqiǵa tirkelgen. Jeke jáne zańdy tulǵalardyń kinásinen órt shyǵýynyń 30 deregi anyqtaldy.
«Keiingi jyldary orman órtiniń kóbeiip ketýi dúniejúzilik klimattyń ózgerýine tikelei bailanysty ekenin atap ótemiz. Bul rette, basqa jerge qaraǵanda Aziia kontinentinde klimat +4 gradýsqa jyldam kóterilip jatyr. Bul qubylys byltyr jeltoqsanda Dýbaida ótken klimattyń ózgerýi jónindegi konferentsiiada aityldy», - dedi ministr.
Budan buryn habarlanǵandai, Abai oblysynda órtengen aǵashty óńdeý zaýyty calynady.
