فوتو: primeminister.kz
بىلتىر 800-دەن استام ورمان ٶرتٸ تٸركەلدٸ. بۇل تۋرالى پارلامەنت مەجٸلٸسٸندە ورماندى قورعاۋ تاقىرىبىنا ارنالعان ٷكٸمەت ساعاتىندا قر ەكولوگييا جەنە تابيعي رەسۋرستار مينيسترٸ ەرلان نىسانباەۆ ايتتى, دەپ حابارلايدى «ۇلت اقپارات» Kazinformعا سٸلتەمە جاساپ.
«مەملەكەتتٸك ورمان قورىنىڭ اۋدانى 30,9 ملن گەكتار, ونىڭ ٸشٸندە ورمانمەن كٶمكەرٸلگەن جەر - 13,7 ملن گەكتار. ەل اۋماعىندا ورماندى القاپ 5 پايىزدى قۇرادى. 2023 جىلى جالپى اۋدانى 116,8 مىڭ گەكتاردى قامتىعان 810 ورمان ٶرتٸ تٸركەلدٸ, ونىڭ ٸشٸندە ناقتى ورماندى الاڭ 61,1 مىڭ گەكتار», - دەدٸ ە. نىسانباەۆ.
ونىڭ ايتۋىنشا, ورماندا قىزىل جالىننىڭ جايىلۋىنا نايزاعاي تٷسۋ (498), اۋىل شارۋاشىلىعى جەرلەرٸنەن كەلگەن ٶرت ەسەر ەتكەن (87), سونداي-اق انىقتالماعان سەبەپتەردەن 194 وقيعا تٸركەلگەن. جەكە جەنە زاڭدى تۇلعالاردىڭ كٸنەسٸنەن ٶرت شىعۋىنىڭ 30 دەرەگٸ انىقتالدى.
«كەيٸنگٸ جىلدارى ورمان ٶرتٸنٸڭ كٶبەيٸپ كەتۋٸ دٷنيەجٷزٸلٸك كليماتتىڭ ٶزگەرۋٸنە تٸكەلەي بايلانىستى ەكەنٸن اتاپ ٶتەمٸز. بۇل رەتتە, باسقا جەرگە قاراعاندا ازييا كونتينەنتٸندە كليمات +4 گرادۋسقا جىلدام كٶتەرٸلٸپ جاتىر. بۇل قۇبىلىس بىلتىر جەلتوقساندا دۋبايدا ٶتكەن كليماتتىڭ ٶزگەرۋٸ جٶنٸندەگٸ كونفەرەنتسييادا ايتىلدى», - دەدٸ مينيستر.
بۇدان بۇرىن حابارلانعانداي, اباي وبلىسىندا ٶرتەنگەن اعاشتى ٶڭدەۋ زاۋىتى cالىنادى.
