Premer-ministr Oljas Bektenov tótenshe jaǵdailar ministri Shyńǵys Árinov pen ekologiia jáne tabiǵi resýrstar ministri Erlan Nysanbaevqa Abai oblysyndaǵy «Semei ormany» memlekettik orman tabiǵi rezervaty aýmaǵynda shyqqan orman órtin sóndirý jumystaryn úilestirý úshin oqiǵa ornyna shuǵyl barýdy tapsyrdy, dep habarlaidy ult.kz.
Úkimet basshysy órttiń jaqyn mańdaǵy eldi mekenderge taralýyna jol bermeýdi, turǵyndardyń qaýipsizdigin qamtamasyz etýdi jáne tilsiz jaýdyń odan ári órshýiniń aldyn alý sharalaryn kúsheitýdi júktedi.
Tótenshe jaǵdailar ministrliginiń málimetinshe, 2026 jylǵy 16 shilde saǵat 16:00-degi jaǵdai boiynsha órtti sóndirýge 400-den astam adam, 100-ge jýyq arnaiy tehnika jáne aviatsiia tartylǵan. Áýeden órt oshaqtaryna 100 tonnadan astam sý tógilgen.
Qazirgi ýaqytta órtti oqshaýlaý jáne tolyq sóndirý jumystary táýlik boiy jalǵasyp jatyr. Jaǵdai Úkimettiń baqylaýynda. Mamandar órttiń taralýyna yqpal etýi múmkin aýa raiy jaǵdaiyn da turaqty baqylap otyr.
Turǵyndarǵa qaýipsizdik talaptaryn saqtap, resmi aqparat kózderine ǵana sený usynyldy. Eger jaǵdai ózgerse nemese evakýatsiia qajettiligi týyndasa, bul týraly qosymsha habarlanady.
