پرەمەر-مينيستر ولجاس بەكتەنوۆ تٶتەنشە جاعدايلار مينيسترٸ شىڭعىس ەرٸنوۆ پەن ەكولوگييا جەنە تابيعي رەسۋرستار مينيسترٸ ەرلان نىسانباەۆقا اباي وبلىسىنداعى «سەمەي ورمانى» مەملەكەتتٸك ورمان تابيعي رەزەرۆاتى اۋماعىندا شىققان ورمان ٶرتٸن سٶندٸرۋ جۇمىستارىن ٷيلەستٸرۋ ٷشٸن وقيعا ورنىنا شۇعىل بارۋدى تاپسىردى, دەپ حابارلايدى ult.kz.
ٷكٸمەت باسشىسى ٶرتتٸڭ جاقىن ماڭداعى ەلدٸ مەكەندەرگە تارالۋىنا جول بەرمەۋدٸ, تۇرعىنداردىڭ قاۋٸپسٸزدٸگٸن قامتاماسىز ەتۋدٸ جەنە تٸلسٸز جاۋدىڭ ودان ەرٸ ٶرشۋٸنٸڭ الدىن الۋ شارالارىن كٷشەيتۋدٸ جٷكتەدٸ.
تٶتەنشە جاعدايلار مينيسترلٸگٸنٸڭ مەلٸمەتٸنشە, 2026 جىلعى 16 شٸلدە ساعات 16:00-دەگٸ جاعداي بويىنشا ٶرتتٸ سٶندٸرۋگە 400-دەن استام ادام, 100-گە جۋىق ارنايى تەحنيكا جەنە اۆياتسييا تارتىلعان. ەۋەدەن ٶرت وشاقتارىنا 100 توننادان استام سۋ تٶگٸلگەن.
قازٸرگٸ ۋاقىتتا ٶرتتٸ وقشاۋلاۋ جەنە تولىق سٶندٸرۋ جۇمىستارى تەۋلٸك بويى جالعاسىپ جاتىر. جاعداي ٷكٸمەتتٸڭ باقىلاۋىندا. ماماندار ٶرتتٸڭ تارالۋىنا ىقپال ەتۋٸ مٷمكٸن اۋا رايى جاعدايىن دا تۇراقتى باقىلاپ وتىر.
تۇرعىندارعا قاۋٸپسٸزدٸك تالاپتارىن ساقتاپ, رەسمي اقپارات كٶزدەرٸنە عانا سەنۋ ۇسىنىلدى. ەگەر جاعداي ٶزگەرسە نەمەسە ەۆاكۋاتسييا قاجەتتٸلٸگٸ تۋىنداسا, بۇل تۋرالى قوسىمشا حابارلانادى.
