Elordada «Orhon eskertkishteriniń tolyq atlasy» jurtshylyqqa tanystyrylady, dep habarlaidy "Ult aqparat".
21 aqpanda Ulttyq akademiialyq kitaphanada 3 tomdyq irgeli eńbek - «Orhon eskertkishteriniń tolyq atlasy» tanystyrylady.
Atlasta Eýraziia Uly dalasyna úsh ǵasyr boiy bilik júrgizgen, ózderiniń tarihyn, dúnietanymyn, danalyǵyn, oi-sanasyn, bolmysyn, jazý ónerin, el basqarý júiesin, ata dástúrin óshpestei etip tasqa qashap ketken, órkenietke, adamzat mádenietine asyl qazyna qosqan baiyrǵy túrikterdiń muralary túgel qamtylǵan.
Altai, Orhon, Seleńgi, Kerýlen boiynan tabylǵan Kók túrik imperiiasy dáýirindegi (500-900 jj) tas ustynǵa 2000 jyl buryn qashap jazǵan túpnusqada tarih, til ádebiet (sóz óneri), sóz aspaby, baiyrǵy arhitektýra jáne filosofiiasy men salt-dástúrleriniń muralary qamtylǵan.
Atlasta Mońǵoliia-Chehiia, Mońǵoliia-Túrkiia (TIKA), Mońǵoliia-SSSR birikken ekspeditsiialarynyń, L.N. Gýmilev atyndaǵy Eýraziia ulttyq ýniversiteti ekspeditsiiasynyń materialdary, sondai-aq álem túriktanýshylarynyń ǵasyrdan astam ýaqyt júrgizgen zertteýleriniń qorytyndysy paidalanylǵan.
«Atlas avtory baiyrǵy túrik mátinderin qaita kóshirip, qaita oqyǵan, burynǵy zertteýshilerdiń qateleri túzetilgen, túpnusqa mátininiń jańa transkriptsiiasy, jańa aýdarmasy jasalǵan, jańa túsiniktemesi berilgen; jartylai kóshpeli dáýirdiń tarihi-mádeni muralary atlasta tegis qarastyrylyp, olardyń arheologiialyq sipattamasy, plany, foto, syzba sýretteri tuńǵysh ret tolyq berilgen», delingen habarlamada.
Atlas tilshi, tarihshy, etnograf, arheolog, filosof, ádebietshy jáne mádeniettanýshy mamandarǵa, sondai-aq stýdentterge, magistranttarǵa, aspiranttarǵa, izdenýshilerge arnalǵan.
