«Orel i reshka» saiahat týraly tanymal telebaǵdarlamada Almaty oblysy týraly siýjet kórsetiledi, dep habarlaidy "Ult aqparat".
Bul jańalyqty Kazakh Tourism Ulttyq kompaniiasynyń tóraǵasy Erjan Erkinbaev aitty.
Shyǵarylymnyń anonsy áleýmettik jelide taraldy. Alaida qashan efirge shyǵary belgisiz.
«Barlyq kelisimge qol jetkizdik. Ruqsat aldyq. «Orel i reshka« túsirilim toby taǵy Qazaqstanǵa keldi. Bul joly kamera obektivterinde Almaty oblysy bolmaq. Olar ary qarai qaida barady, taýyp kórińizder?», – dep jazdy Erjan Erkinbaev Instagram paraqshasynda.
Aita ketý kerek, «Orel i Reshka» baǵdarlamasy sońǵy ret Nur-Sultan qalasynda bolǵan. Ol kezdegi efir júrgizýshileri Anastasiia Ivleeva men Anton Ptýshkin edi.
2013 jyly túsirilim toby Almaty qalasynda bolǵan. Ol kezde Anastasiia Korotkaia men Andrei Bedniakov júrgizgen.
«Orel i reshka» — Ýkraina telearnasynyń saiahat týraly tanymdyq baǵdarlamasy.
