Qazaqstandyq ánshi Nurlan Abdýllinniń aliment tóleý máselesine qatysty daý shyqty, dep habarlaidy ult.kz.
Áleýmettik jeli qoldanýshysy Maral Baqqara ánshiniń kámeletke tolmaǵan ulyna birneshe jyl boiy aliment tólemegenin málimdep, oǵan qatysty syn aitty. Onyń aitýynsha, ánshiniń aliment boiynsha bereshegi bar jáne bul másele sot deńgeiinde qaralyp jatyr.
Jelide jariialanǵan jazbada avtor Nurlan Abdýllindi uly aldyndaǵy mindettemelerin oryndaýǵa shaqyryp, aliment qaryzyn óteýdi talap etken. Sondai-aq ol ánshiniń qaiyrymdylyqqa qarjy bólgenimen, óz balasyna qatysty máseleler sheshilmei otyrǵanyn atap ótken.
Avtordyń sózinshe, qazirgi tańda bul jaǵdaiǵa bailanysty sot protsesteri jalǵasýda. Jazbada ánshiniń 62 jasta ekeni jáne 8 jastaǵy ulymen sottasyp júrgeni týraly da aitylǵan.
Ázirge Nurlan Abdýllin tarapynan bul máselege qatysty resmi pikir jariialanǵan joq.
