Túrkistan oblysynda úiirgelik jerlerdiń úlesin arttyrý boiynsha jumystar júzege asyp jatyr. Bul baǵyttaǵy jumys barysy Ordabasy aýdanynda da qarqyndy. Aýdanǵa qarasty aýylda aýyl sharýashylyq salasynda birqatar aýqymdy jobalar júzege asyryldy. Ásirese «Bir alqaptan eki ónim alý» jobasy boiynsha 12 sharýa qojalyq ieleri 42 ga jerge kókónis, baqsha, júgeri daqyldaryn egip, birinshi ónimen 310 tonna ónim aldy.
Alda jylyjai kólemin qosymsha 3,5 ga ulǵaitý kózdelip, aýyl sharýashylyǵy tehnikalaryn qosymsha 7 danaǵa arttyrý kózdelýde. Munan bólek, ótken 6 aida «Bakdaýlet 7» ÓK investitsiialyq quny 145 mln. teńge quraityn, 2 jańa jumys ornymen mal bordaqylaý alańy iske qosyldy.
Ordabasy aýdanynyń ákimi Baǵlan Batyrshaevtyń aýyldyq okrýgterdegi esepti kezdesýi Qaraspan aýylynda jalǵasyn tapty. Kezdesýde aýdan basshysy jarty jyldyq jumystar jóninde aýyl turǵyndaryna baiandady.
Jyl sońyna deiin jalpy quny 170 mln. teńgeni quraityn taǵy 2 kásipkerlik nysan ashylady dep josparlanýda.
Aýdandaǵy ishki oramdyq kóshelerge jol salý jumystary júrgizilýde. Qaraspan, Mádeniet, Bergen aýyldarynda sport alańshasy men ortalyq qaqpa salynbaq.
Tórearyq, Maqtashy, Batyr ata, Kóltoǵan, Beisen, Bergen, Aqjol aýyldaryna gaz tartý jumystary da kestege sai júrgizilmek. Nysan 2023 jylǵa ótpeli. Qaraspan aýyl okrýgi boiynsha 14 eldi mekenniń 7-i ortalyqtandyrylǵan aýyz sýmen qamtylǵan. Qazirgi tańda Saryaryq, Beisen-Maqtashy, Qaraspan úsh eldi mekenniń aýyz sý qurylys jumystary júrgilýde. Qurylys jumystary jyl sońyna deiin aiaqtalady. Elektr jelisin jańartý jumystary da qarqyndy.
Byltyr qurylysy bastalǵan Maqtashy aýylyndaǵy Z.Isabekov atyndaǵy jalpy orta mektebiniń 200 oryndyq qurylysy jyl sońyna deiin paidalanýǵa beriledi dep josparlanýda. Kóltoǵan aýylyndaǵy E.Ernazarov atyndaǵy jalpy orta mektebiniń ǵimaratyn kúrdeli jóndeýden ótkiziledi. Al, «Aýyl - El besigi» jobasy aiasynda Kóltoǵan Tórearyq eldi mekenderinen FAP salý boiynsha qazirgi tańda MSA rásimderi júrgzilip, merdiger mekeme «AR Kua Group» JShS bolyp anyqtaldy, jyl sońyna deiin paidalanýǵa berý josparlanǵan.
Aita keterligi, biyl ortaq jaiylymdyq jerler kólemi tapshy Qaraspan aýyl okrýgi boiynsha jalpy kólemi 1 649,3 gektar ortaq jaiylymdyq jerler bekitilip berilgen. Qosymsha 3 206 gektar jaiylymdyq jerdi aýdandyq qorǵa qaitaryp, ortaq jaiylymǵa bekitý josparlanǵan. Bul baǵyttaǵy jumystar da kezeń-kezeńimen júzege asyrylýda.
