Foto: tengrinews.kz alyndy
Buǵan deiin “Orda” tobynyń taraityny týraly aqparat bergen edik. Kórermen kózaiymyna ainalǵan boisbend kelesi jyly toptyń 25 jyldyq mereitoiyna daiyndyq ústinde. Qoshtasý osy kontsertte bolmaq.«Toptyń qurylǵanyna kelesi jyly shirek ǵasyr bolady, bul degenimiz ómirimizdiń jartysynan da kóp. Sondyqtan da, árine, ishte azdaǵan qimastyq bar»,- deidi Dastan Orazbekov Revue News-ke bergen suhbatynda.
Bul jańalyqty Ordanyń jankúierleri jeńil qabyldaǵan joq. Áleýmettik jelide toptyń jankúerleri toptyń taraýyn qimastyqpen talqylap jatyr.
“Orda” toby meniń balalyq shaǵymnan bastap súiip tyńdaityn tobym. Jastyq kezimniń estelikteri de osy toppen bailanysady. Árine qimaimyn, ókinish bar”- deidi, Orda tobynyń jankúerleri.
Foto:stan.kz
Al top múshesiniń ózi osynsha jyl sahnadan túspegen Ordanyń taraýyn bylai túsindirdi.
“Kezi keldi me, reti keldi me, árqaisymyzdyń jumysymyz bar. Ǵasyrdyń tórtinshi bóligi, óz ómirimniń jartysynan kóbisi, sondyqtan da qimastyq, árine ishte bar”- dedi, top múshesi Dastan Orazbekov.
“Orda” toby alǵash ret 2001 jyly kórermenge tanystyrylǵan bolsa, 2002 jyly “Baýyrjan shoý” teatrynan bólinip shyǵyp jeke shyǵarmalaryn halyqqa usynǵan. 2003 jyly “Orda” óziniń alǵashqy klipin Tashkent qalasynda túsirgen. 2004 jyly top “Bangormen” tanysyp, ózderiniń jeke stýdiialaryn asha bastaidy. Dál osy stýdiiada toptyń birinshi kúitabaǵyna kirgen ánder jazylady. Al, 2007 jyly Ordanyń “Ne pokidai menia” áni "Eýropa +" radiosy júrgizetin hit-paradynyń jeńimpazy atanady.
Osynsha jyl boiy hadyqtyń ystyq yqylasyna bólengen top músheleri shyǵarmashylyq jolyn jeke jalǵastyrady, degenmen toptyń ánderi jankúierler jadynda máńgi saqtalmaq.
Daiyndaǵan: Bekbolat Muhtarov
