فوتو: tengrinews.kz الىندى
بۇعان دەيٸن “وردا” توبىنىڭ تارايتىنى تۋرالى اقپارات بەرگەن ەدٸك. كٶرەرمەن كٶزايىمىنا اينالعان بويسبەند كەلەسٸ جىلى توپتىڭ 25 جىلدىق مەرەيتويىنا دايىندىق ٷستٸندە. قوشتاسۋ وسى كونتسەرتتە بولماق.«توپتىڭ قۇرىلعانىنا كەلەسٸ جىلى شيرەك عاسىر بولادى, بۇل دەگەنٸمٸز ٶمٸرٸمٸزدٸڭ جارتىسىنان دا كٶپ. سوندىقتان دا, ەرينە, ٸشتە ازداعان قيماستىق بار»,- دەيدٸ داستان ورازبەكوۆ Revue News-كە بەرگەن سۇحباتىندا.
بۇل جاڭالىقتى وردانىڭ جانكٷيەرلەرٸ جەڭٸل قابىلداعان جوق. ەلەۋمەتتٸك جەلٸدە توپتىڭ جانكٷەرلەرٸ توپتىڭ تاراۋىن قيماستىقپەن تالقىلاپ جاتىر.
“وردا” توبى مەنٸڭ بالالىق شاعىمنان باستاپ سٷيٸپ تىڭدايتىن توبىم. جاستىق كەزٸمنٸڭ ەستەلٸكتەرٸ دە وسى توپپەن بايلانىسادى. ەرينە قيمايمىن, ٶكٸنٸش بار”- دەيدٸ, وردا توبىنىڭ جانكٷەرلەرٸ.
فوتو:stan.kz
ال توپ مٷشەسٸنٸڭ ٶزٸ وسىنشا جىل ساحنادان تٷسپەگەن وردانىڭ تاراۋىن بىلاي تٷسٸندٸردٸ.
“كەزٸ كەلدٸ مە, رەتٸ كەلدٸ مە, ەرقايسىمىزدىڭ جۇمىسىمىز بار. عاسىردىڭ تٶرتٸنشٸ بٶلٸگٸ, ٶز ٶمٸرٸمنٸڭ جارتىسىنان كٶبٸسٸ, سوندىقتان دا قيماستىق, ەرينە ٸشتە بار”- دەدٸ, توپ مٷشەسٸ داستان ورازبەكوۆ.
“وردا” توبى العاش رەت 2001 جىلى كٶرەرمەنگە تانىستىرىلعان بولسا, 2002 جىلى “باۋىرجان شوۋ” تەاترىنان بٶلٸنٸپ شىعىپ جەكە شىعارمالارىن حالىققا ۇسىنعان. 2003 جىلى “وردا” ٶزٸنٸڭ العاشقى كليپٸن تاشكەنت قالاسىندا تٷسٸرگەن. 2004 جىلى توپ “بانگورمەن” تانىسىپ, ٶزدەرٸنٸڭ جەكە ستۋدييالارىن اشا باستايدى. دەل وسى ستۋدييادا توپتىڭ بٸرٸنشٸ كٷيتاباعىنا كٸرگەن ەندەر جازىلادى. ال, 2007 جىلى وردانىڭ “نە پوكيداي مەنيا” ەنٸ "ەۋروپا +" راديوسى جٷرگٸزەتٸن حيت-پارادىنىڭ جەڭٸمپازى اتانادى.
وسىنشا جىل بويى حادىقتىڭ ىستىق ىقىلاسىنا بٶلەنگەن توپ مٷشەلەرٸ شىعارماشىلىق جولىن جەكە جالعاستىرادى, دەگەنمەن توپتىڭ ەندەرٸ جانكٷيەرلەر جادىندا مەڭگٸ ساقتالماق.
دايىنداعان: بەكبولات مۇحتاروۆ
