Nobel aptalyǵy bastalǵannan eń jarqyn ǵylymi ataqtar men meditsina, fiziologiia, fizika jáne himiia salasynda laýreattar anyqtaldy. Meditsina men fiziologiia salasynyń laýreattary 3 qazan kúni belgili boldy. Ol ataqtyń iesi – Tokio Tehnologiialyq ýniversitetiniń jasýshaly biologiia mamany Iosinori Osými (Yoshinori Ohsumi).
Nobel komitetiniń baspasóz habarlamasynda bylai dep jazylǵan:
«Osýmidiń bul ashqan jańalyǵy bizdiń túsinigimizdegi jasýsha ózindegini qalai óńdeitinin túsindiretin jańa paradigmaǵa jol ashady. Ol kóptegen fiziologiialyq úderisterge aýtofagtyń mańyzdylyǵyn túsindiretin fýndamentaldy túsinik qalyptastyrdy. Olarǵa ashtyqqa beiimdelý men infektsiiaǵa qarsy turý jatady.
Aýtofagiia – bul qoqystardan quralǵan jasýshanyń qajetsiz bólikterin óńdeý nemese ýtilizatsiia jasaý. Bul úderiske qoiylǵan termin eki grek sózinen «ózi tamaqtaný» nemese «ózi qorektený» degen maǵynany bildiredi.
Jalpy bul fenomen burynnan bar, ony ǵalymdar ótken ǵasyrdyń 60-shy jyldary tapqan. Biraq, tereń boilamaǵan. 90-jyldary buny Osými jasady. Ol tájiribe jasaý arqyly aýtofagqa jaýap beretin genderdi shyǵardy. Osy eńbektiń arqasynda shirek ǵasyrdan keiin syilyq óz iesin tapty. Sondai-aq, biraýyzdan Nobel syilyǵyna laiyqty tarihtaǵy 39-shy ǵalym etti.
Sonymen, laýreattyń ashqan jańalyǵy mynany dáleldeidi: ashyǵý iaǵni, oraza ustaý rasynda ishki aǵzany tazalaidy. Bul Nobel komitetimen dáleldengen.
Osýmidiń áriptesteri aýtofagiia aǵzany erte qartaiýdan saqtaidy dep otyr. Tipti, jańa jasýshalar týdyratyndyqtan aǵzany jasartýy da múmkin. Sebebi, ol kezde jaramsyz aqýyzdar, zaqymdalǵan ishki jasýshaly elementter aǵzadan shyǵarylyp, retke keltiriledi.
