Oramjapyraqty eksporttaýǵa sertifikattar shtattyq rejimde berilip jatyr, dep habarlaidy "Ult aqparat".
«QR Aýyl sharýashylyǵy ministrliginiń Agroónerkásiptik keshendegi memlekettik inspektsiia komiteti oramjapyraqty EAEO elderine eksporttaý boiynsha kedergisiz jumys atqarylyp jatqanyn habarlaidy. Osy oraida fitosanitariialyq sertifikattardy berý shtattyq rejimde júrgizilýde. 2020 jylǵy 10 sáýirdegi jaǵdai boiynsha Shymkent qalasynan jalpy kólemi 2300 tonnaǵa 116 sertifikat, Túrkistan oblysy boiynsha 220 tonna oramjapyraqty eksportaýǵa 13 fitosanitarlyq sertifikat berildi. Jalpy, 10 myń tonna oramjapyraqqa fitosanitarlyq sertifikat alýǵa ótinim kelip tústi. Sertifikattardy berý QR zańnamasynyń talaptary men reglamentterine sáikes júrgizilýde», - delingen QR AShM baspasóz qyzmeti málimetinde.
Oramjapyraqtyń fitosanitarlyq jaǵdaiyn anyqtaý jáne tekserýdiń barlyq qajetti protsedýralarynyń júrgizilýine qarai barlyq kásipkerlik sýbektileri fitosanitarlyq sertifikattar alady.
Tótenshe jaǵdaidyń engizilýine bailanysty QR AShM ósimdikter karantini jónindegi memlekettik inspektorlar kúsheitilgen jumys rejimine kóshirildi.
