Oraldyq kásipker Alek Kýbeev qalaǵa qarasty Krýgloozernyi kentinde turatyn Gúldariia Aimuqashevaǵa páter kiltin tabys etti, dep habarlaidy "Ult aqparat".
Bul alty balany tárbielep otyrǵan jalǵyz basty ana úshin tosyn syi boldy.
«OralZemTrýbServis» JShS (direktory Alek Kýbeev) Krýgloozernyi kentinde úsh qabatty 40 páterlik turǵyn úidi salyp bitirgen bolatyn. Mine, osy úiden eki bólmeli páter G.Aimuqashevaǵa berildi.
Qurylysy 1,5 jylǵa sozylǵan, kirpishten salynǵan úi avtonomdy jylytylady. Páterleri keń de jaryq.
«Biz kóp balaly analardyń birine júrek qalaýymyzben osyndai syi jasaýdy uiǵardyq. Kent ákimdigi alty otbasynyń tizimin berdi. Solardyń ishinde ózi jetimder úiinde ósken alty balanyń anasyna tańdaý tústi», deidi Alek Tynymgereiuly.
Oral qalalyq máslihatynyń hatshysy Aqqali Áýbekerovtiń aitýynsha, búginde kent halqy kóbeiip, turǵyn úiler salynýda. Aldaǵy ýaqytta atalǵan qurylys kompaniiasynyń bastamasymen balabaqsha qurylysy da bastalmaqshy.
Jańa páterge ie bolǵan Gúldariia Tólegenqyzy kásipkerge rizashylyǵyn bildirdi.
«Bala kútimimen otyrǵandyqtan, ózim jumyssyzbyn. Qaiyrymdy jandardyń barshasyna alǵysymdy aitamyn», dedi ol.
Krýgloozernyi aýyldyq okrýgi ákiminiń orynbasary Tatiana Sýmkinanyń sózine qaraǵanda, A.Kýbeev karantin ýaqytynda muqtaj otbasylarǵa, múgedek jandarǵa qolushyn sozyp keledi.
