Batys Qazaqstan oblysynda birneshe tasjol men kópirdi tasqyn sý buzyp ótip, úsh aýyl qatynassyz qaldy, dep habarlaidy Qazaqstan.tv.
Syrym aýdany Araltóbe aýylynyń tusynda, Aqsai-Jympity oblystyq mańyzy bar avtojolynyń 27-shi shaqyrymynda qar sýynan Shiderti ózeniniń deńgeii kóterilip, ýaqytsha kópirdi sý basty. Byltyr osy aýmaqta basty kópir jóndeýge jabylyp, merdiger ýaqytsha ótkel ornatqan. Bos topyraq tasqyn sýdyń nópirine shydai almai, beton plita opyrylyp túsken.
Saldarynan jol jabylyp, Araltóbe men Taldybulaq aýyldaryna deiin kólik qozǵalysy toqtatyldy. Syrym aýdandyq tótenshe jaǵdailar bóliminiń málimetinshe, turǵyn úilerge qaýip joq. Qaratóbe aýdany Aqtaisai aýylynyń turǵyndary da qatynassyz qaldy. Aýdan ortalyǵymen bailanystyratyn jalǵyz joldy daladan kelgen qarǵyn sý basty. Bul jylda kóktemde qaitalanatyn jaǵdai. Byltyrǵy alapat tasqynda osy aýdannyń 8 eldi mekenimen qatynas úzilip, azyq-túlik, kerek-jaraq tikushaq arqyly tasymaldanǵan.
