باتىس قازاقستان وبلىسىندا بٸرنەشە تاسجول مەن كٶپٸردٸ تاسقىن سۋ بۇزىپ ٶتٸپ, ٷش اۋىل قاتىناسسىز قالدى, دەپ حابارلايدى Qazaqstan.tv.
سىرىم اۋدانى ارالتٶبە اۋىلىنىڭ تۇسىندا, اقساي-جىمپيتى وبلىستىق ماڭىزى بار اۆتوجولىنىڭ 27-شٸ شاقىرىمىندا قار سۋىنان شٸدەرتٸ ٶزەنٸنٸڭ دەڭگەيٸ كٶتەرٸلٸپ, ۋاقىتشا كٶپٸردٸ سۋ باستى. بىلتىر وسى اۋماقتا باستى كٶپٸر جٶندەۋگە جابىلىپ, مەردٸگەر ۋاقىتشا ٶتكەل ورناتقان. بوس توپىراق تاسقىن سۋدىڭ نٶپٸرٸنە شىداي الماي, بەتون پليتا وپىرىلىپ تٷسكەن.
سالدارىنان جول جابىلىپ, ارالتٶبە مەن تالدىبۇلاق اۋىلدارىنا دەيٸن كٶلٸك قوزعالىسى توقتاتىلدى. سىرىم اۋداندىق تٶتەنشە جاعدايلار بٶلٸمٸنٸڭ مەلٸمەتٸنشە, تۇرعىن ٷيلەرگە قاۋٸپ جوق. قاراتٶبە اۋدانى اقتايساي اۋىلىنىڭ تۇرعىندارى دا قاتىناسسىز قالدى. اۋدان ورتالىعىمەن بايلانىستىراتىن جالعىز جولدى دالادان كەلگەن قارعىن سۋ باستى. بۇل جىلدا كٶكتەمدە قايتالاناتىن جاعداي. بىلتىرعى الاپات تاسقىندا وسى اۋداننىڭ 8 ەلدٸ مەكەنٸمەن قاتىناس ٷزٸلٸپ, ازىق-تٷلٸك, كەرەك-جاراق تٸكۇشاق ارقىلى تاسىمالدانعان.
