Oralda jastar tóbelesip, bireýi qaza tapty, dep habarlaidy "Ult aqparat".
BQO politsiia departamentiniń resmi ókili Bolatbek Belgibekovtiń málim etkenindei, oqiǵa túnde H.Dospanova kóshesi 58 A-mekenjaiynda ornalasqan úidiń kireberisinde boldy.
Shamamen túngi saǵat 00.02-de «102» telefonyna habar túsken.
Politsiia qyzmetkerleri oqiǵa ornyna jetkennen soń turmystyq jaǵdaida araq ishýden keiin belgisiz adamnyń Terekti aýdanynyń 23 jastaǵy turǵynyna kóptegen pyshaq jaraqatyn salǵany anyqtaldy. Sonyń saldarynan jas jigit oqiǵa ornynda kóz jumdy.
Jedel izdestirý is-sharalary nátijesinde asa aýyr qylmysty jasaǵan Oral qalasynyń 27 jastaǵy turǵyny ustaldy. Ol budan buryn da birneshe ret buzaqylyǵy úshin jaýapkershilikke tartylǵan. Politsiianyń nazaryna 2015 jyldan beri iligip, qoǵamdyq orynda araq ishkeni úshin de ákimshilik jazany ótegen.
Onyń is-áreketinen taǵy eki jas jigit zardap shegip, oblystyq kópbeiindi aýrýhanaǵa jatqyzyldy.
Qazirgi kezde Abai politsiia bólimi QR QK 99-baby 1-bóligine (adam óltirý) sáikes sotqa deiingi tergeý amaldaryn júrgizýde.
Oblystyq densaýlyq saqtaý basqarmasynyń baspasóz qyzmeti naqtylaǵanyndai, jedel járdem saǵat 00.17-de shaqyrylyp, tórt brigada bardy. Bir adam jedel járdem kelgenge deiin mert boldy. 30 jáne 23 jastaǵy jigitter pyshaq jaraqatynan zardap shekti. 20 jastaǵy taǵy bir jigit eki kózinen himiialyq kúiik jaraqatyn alǵan.
