Oralda jańadan 926 oryndyq mádeniet saraiy boi kóterýde, dep habarlaidy "Ult aqparat".
Oblys ákimi Ǵali Esqaliev shaharda jańadan salynyp jatqan birqatar nysandar, sonyń ishinde mádeniet saraiynyń qurylysymen tanysty.
Oblystyq mádeniet basqarmasynyń basshysy Sairan Dúisenteginiń aitýynsha, mádeniet saraiy tuńǵysh Prezident alańy janynda qalaǵa erekshe kórik bermek. Qadyr Myrza Áli atyndaǵy oblystyq mádeniet jáne óner ortalyǵy da osy jerde.
Úsh qabatty mádeniet saraiy paidalanýǵa berilgen kezde sheteldik, sondai-aq elimizdegi belgili ánshiler kelip, kontsert berýine múmkindik týady. Kópbeiindi mádeniet saraiynda oblys ákiminiń estradalyq-simfoniialyq orkestri, jastar mýzyka teatry, bishiler, etnografiialyq-folklorlyq, vokaldy aspaptar ansamblderi, sýretter galereiasy jáne basqa óner ujymdary ornalasady. Akýstika, dybys, jaryq apparatýralary eýropalyq talaptarǵa sai bolmaq.
Kórermenderge arnalǵan 926 orynnyń 120-sy balkonda bolmaq. Sahnanyń ózindik erekshelikteri bar. Iaǵni orkestr qajet bolǵanda, sahna kóteriledi. Orkestr tómende bolady.
Óńir basshysy merdiger mekeme «Altair» JShS-ǵa aldaǵy jyly márege jetetin qurylysty sapaly bitirýdi tapsyrdy. Sonymen qatar jańa mádeniet saraiyna jańa at oilaý kerektigi de aityldy.
Osyǵan orai dástúrli ánshi Ernar Ómiráli, aqyn, Qazaqstan Jazýshylar odaǵynyń múshesi Dariǵa Mushtanova Feisbýktegi paraqshalarynda mádeniet saraiyn úsh júzge án ozdyrǵan ataqty ánshi Muhit Meráliulynyń qurmetine «Sal Muhit saraiy» dep ataýdy usyndy. Keler jyly Muhit Meráliulynyń 180 jyldyǵy atalyp ótiletin bolady.
